యువసామ్రాట్ నాగ చైతన్య (Naga Chaitanya), హీరోయిన్ సాయి పల్లవి (Sai Pallavi) ప్రధాన పాత్రల్లో రూపొందుతున్న సినిమా ‘తండేల్‌’ (Thandel). చందూ మొండేటి వాస్తవ సంఘటనల ఆధారంగా దర్శకత్వం వహిస్తున్న ఈ చిత్రం వచ్చే ఏడాది ఫిబ్రవరి 7న విడుదల కానుంది. ఈ సందర్భంగా చిత్ర బృందం ‘బుజ్జి తల్లి’ (Bujji Thalli) లిరికల్ సాంగ్‌ను రిలీజ్ చేసింది. శ్రీమణి సాహిత్యం అందించిన ఈ గీతాన్ని ప్రముఖ గాయకుడు జావేద్‌ అలీ ఆలపించారు. రాక్ స్టార్ దేవిశ్రీ ప్రసాద్‌ ఈ సినిమాకు సంగీతం అందించగా..ప్రముఖ నిర్మాణ సంస్థ గీతా ఆర్ట్స్ భారీ బడ్జెట్‌తో నిర్మిస్తోంది.
శ్రీకాకుళం మత్స్యకారుల జీవితం నేపథ్యంలో ఈ సినిమా తెరకెక్కుతోంది. ఇప్పటికే విడుదలైన పోస్టర్లు, గ్లింప్స్ సినిమాపై అంచనాలు పెంచేలా చేశాయి. ఈ సినిమాలో చైతన్య మత్సకారుడి పాత్ర పోషిస్తున్నారు. శ్రీకాకుళం నుంచి సముద్రంలో చేపల వేటకు వెళ్లిన మత్స్యకారులు పాకిస్థాన్‌ పోలీసులకు చిక్కుతారు. ఆ తర్వాత ఏం అయిందనే ఆధారంగా సినిమాను రూపొందిస్తున్నారు.
