శంషాబాద్ విమానాశ్రయం (Shamshabad Airport) లో విషపూరిత పాములు హడలెత్తించాయి. వీటిని ఇద్దరు బ్యాంకాక్ మహిళలు తరలిస్తుండటం ఎయిర్పోర్ట్ కస్టమ్స్ అధికారులు గుర్తించారు. దీంతో ఇద్దరు మహిళలను అధికారులు అరెస్ట్ చేశారు.
- Advertisement -
కాగా, ఈ ఇద్దరు మహిళలు బ్యాంకాక్ నుంచి హైదరాబాద్‌కు వచ్చారు. ఇద్దరూ ఎంచక్కా తమతో పాటు బ్యాగుల్లో పాములను కూడా తెచ్చేశారు. అయితే మహిళల వద్ద పాములు ఉన్నట్లు శంషాబాద్ ఎయిర్ పోర్టు (Shamshabad Airport) లో అధికారులు గుర్తించారు. దీంతో విషపూరితమైన పాములను కస్టమ్స్ అధికారులు స్వాధీనం చేసుకుని.. మహిళలను అదుపులోకి తీసుకుని దర్యాప్తు చేస్తున్నారు.
