ఐకాన్ స్టార్ అల్లు అర్జున్‌ (Allu Arjun) హీరోగా, దర్శకుడు సుకుమార్‌ తెరకెక్కించిన ‘పుష్ప 2’(Pushpa 2) చిత్రం ఇండియన్ బాక్సాఫీస్ దగ్గర దుమ్మురేపిన సంగతి తెలిసిందే. విడుదలైన రోజు నుంచి వసూళ్ల సునామీ సృష్టించిన ఈ మూవీ ఇప్పటివరకు రూ.1850కోట్లకు పైగా కలెక్షన్స్‌తో అదరగొట్టింది. ముఖ్యంగా ఉత్తరాది ప్రేక్షకులు బన్నీ నటన, సుకుమార్‌ టేకింగ్‌కు ఫిదా అయ్యారు. దీంతో బాక్సాఫీస్ వద్ద అత్యధిక వసూళ్లు సాధించిన రెండో చిత్రంగా నిలిచింది. అలాగే తెలుగు సినిమాల్లో ప్రథమ స్థానం దక్కించుకుంది.
ఇటీవలే 50 రోజులు పూర్తి చేసుకున్న ఈ చిత్రం ఓటీటీ(Pushpa 2 Ott Release)లోకి వచ్చేసింది. ప్ర‌ముఖ ఓటీటీ సంస్థ నెట్‌ఫిక్ల్స్‌లో స్ట్రీమింగ్ అవుతోంది. ఎడిటింగ్‌లో క‌ట్ చేసిన 20 నిమిషాల సీన్స్ జ‌త చేయడంతో పాటు మ‌రో మూడు నిమిషాల‌ను కొత్తగా యాడ్ చేశారు. కాగా ప్రస్తుతం తెలుగుతో పాటు త‌మిళం, మ‌ల‌యాళం, హిందీ భాష‌ల్లో స్ట్రీమింగ్ అవుతుండగా.. క‌న్న‌డలో మాత్రం త్వ‌ర‌లోనే అందుబాటులోకి తీసుకురానున్న‌ట్లు సంస్థ ప్రకటించింది.
