ఉత్తరాఖండ్ (Uttarakhand) ఛమోలీ జిల్లాలో మంచు కొండలు విరిగిపడిన ఘటనలో సహాయక చర్యలు కొనసాగుతున్నాయి. ఛమోలీ – బద్రీనాథ్ నేషనల్ హైవే రోడ్డు నిర్మాణం పనులు చేస్తున్న కార్మికులపై ఒక్కసారిగా మంచు కొండ చరియలు విరిగిపడ్డాయి.
- Advertisement -
గల్లంతైన 57 మందిలో 49 మందిని రెస్క్యూ సిబ్బంది సురక్షితంగా కాపాడారు. ముగ్గురు పరిస్థితి కొంత విషమంగా ఉండటంతో ఎయిర్ లిఫ్ట్ సహాయంతో ఆసుపత్రికి తరలించారు అధికారులు.
గల్లంతైన మరో 8 మంది కార్మికుల కోసం ముమ్మరంగా గాలింపు చర్యలు కొనసాగిస్తున్నారు రెస్క్యూ సిబ్బంది. ఘటన జరిగిన 24 గంటల్లోనే 49 మందిని రెస్క్యూ టీమ్ రక్షించారు.
ఉత్తరాఖండ్‌లోని బద్రీనాథ్‌లో భారీగా మంచు కురుస్తోంది. ఈ నేపథ్యంలో బద్రీనాథ్ ధామ్ హైవేపై మంచు చరియలు విరిగిపడ్డాయి. వీరంతా రోడ్డు నిర్మాణ కార్మికులుగా ఉన్నారని భావిస్తున్నారు.
