Raw Papaya: పచ్చి బొప్పాయి తింటే ఈ వ్యాధులన్నీ పరార్!

Raw Papaya Benefits: ఆరోగ్యంగా ఉండటానికి ఆహారం పట్ల ప్రత్యేక శ్రద్ధ వహించాలి. మన ఆరోగ్యం మన తీసుకునే ఆహారంపై ఆధారపడి ఉంటుంది. దీనికోసం మనం ఆహారంలో ఆకుపచ్చ కూరగాయలు, పండ్లను చేర్చుకుంటాము. ఇది శరీరానికి ఎన్నో అవసరమైన పోషకాలను అందిస్తాయి. అయితే పచ్చిగా తిన్నప్పటికీ ప్రయోజనకరంగా ఉండే కొన్ని పండ్లు ఉన్నాయి. అవి అరటి పండు, బొప్పాయి. వీటితో ఊరగాయ కూడా తయారుచేస్తారు.

పచ్చి బొప్పాయి తీసుకుంటే ఆరోగ్యానికి ప్రయోజనకరంగా ఉంటుంది. ఇది జీర్ణ క్రియను మెరుగుపరుస్తుంది. ఇందులో విటమిన్ సి ఉంటుంది. దీంతోపాటు దీనిలో జీర్ణక్రియకు సహాయ పడడంతో పాటు శరీరంలో మంటను తగ్గించడంలో సహాయపడే పప్పాయింట్ అనే ఎంజైమ్ ను కలిగి ఉంటుంది. ఇది రాడికల్స్ నుండి రక్షించే యాంటీ ఆక్సిడెంట్లతో సమృద్ధిగా ఉంటుంది. అంతేకాకుండా బొప్పాయి పండు చర్మానికి ఎంతో ప్రయోజనకరంగా ఉంటుంది. ఇది రోగనిరోధక శక్తిని కూడా బలపరుస్తుంది. అయితే ఇప్పుడు పచ్చి బొప్పాయి తినడం వల్ల కలిగే ప్రయోజనాల గురించి, దీనిని ఆహారంలో ఎలా చేర్చుకోవచ్చో ఇక్కడ వివరంగా తెలుసుకుందాం.

పచ్చి బొప్పాయి తినడం వల్ల కలిగే ప్రయోజనాలు

పచ్చి బొప్పాయి జీర్ణ క్రియను మెరుగుపరుస్తుంది. ఇది గ్యాస్, వాపు, మలబద్ధకం వంటి కడుపు సమస్యలను తొలగించడంలో ప్రభావంతంగా పనిచేస్తుంది. ఇందులో యాంటీ ఆక్సిడెంట్లు, విటమిన్ సి పుష్కలంగా ఉంటాయి. దీంతో చర్మం మెరుస్తూ కనిపిస్తుంది. అంతేకాకుండా ముడతలు కూడా తగ్గుతాయి.

పచ్చి బొప్పాయి తీసుకుంటే అర్థరైటీస్ వంటి సమస్యల నుండి కూడా ఉపశమనం లభిస్తుంది. ఇది శరీరంలో మంటను తగ్గిస్తుంది. దీని వినియోగం కడుపును ఎక్కువసేపు నిండుగా ఉంచిన భావన కలిగిస్తుంది. దీంతో అతిగా తినడం నివారించవచ్చు. ఒకవేళ బరువు తగ్గాలనుకునేవారు దీనిని ఆహారంలో చేర్చుకుంటే సులభంగా బరువు తగ్గవచ్చు.

పచ్చి బొప్పాయి ఎముకలను బలోపేతం చేయడానికి పనిచేస్తుంది. దీనిని ఆహారంలో భాగం చేసుకుంటే జుట్టు బలపడి వేగంగా పెరుగుతుంది. అంతేకాకుండా ఇది రక్తంలో చక్కెర స్థాయిని నియంత్రిస్తుంది. మధుమేహం ఉన్నవారు దీనిని ఆహారంలో భాగం చేసుకోవాలి.


పచ్చి బొప్పాయిని ఆహారంలో ఎలా చేర్చుకోవాలి?

పచ్చి బొప్పాయిని ఆహారంలో చేర్చుకోవడానికి అనేకమార్గాలు ఉన్నాయి. అందులో
1. పచ్చి బొప్పాయిని చిన్న ముక్కలుగా కట్ చేసి ఇతర కూరగాయలతో కలిపి సలాడ్ గా తీసుకోవచ్చు
2. పచ్చి బొప్పాయిని కూరగా కూడా వండుకోవచ్చు. ఉల్లిపాయ, టమాటా, ఇతర మసాలాలతో కలిపి వండుకుంటే ఎంతో రుచిగా ఉంటుంది
3. పచ్చి బొప్పాయిని ఊరగాయగా కూడా చేసుకోవచ్చు.