భారత్‌ వెలిగిపోతుంది. విక్రమ్‌… పేరుకు తగ్గట్టు విజయం సాధించింది. అంతరిక్ష పితా మహుడు విక్రమ్‌ సారాభాయ్‌ కన్నకలలు నిజమయ్యాయి. చంద్రునిపై దిగిన వెంటనే ప్రధాని శ్రీ నరేంద్ర మోడీ మన దేశ మువ్వన్నెల జండా ఊపుతూ ఆనందాన్ని వ్యక్తం చేశారు. ఆయన మాట్లాడుతూ ముందుగా ఈ మిషన్‌లో భాగస్వామ్యమైన మొత్తం టీమ్‌కి అభినందలు తెలిపారు. భారత్‌ సరికొత్త చరిత్రలో సృష్టించిందని, ఈ క్షణం కోసం ఎన్నో యేళ్ళ నుండి ఎదురు చూసాను అని భావోద్వేగంతో అన్నారు. మన దేశ ప్రజలు ఆనందాన్ని ఒకరికొకరు పంచుకొని ఆనందడోలికల్లో మునిగి తేలుతున్నారు. ఈ ఘన విజయం ఎందరో శాస్త్రవేత్తల, సాంకేతిక నిపుణుల సమిష్టి కృషి దాగివుంది. వారివారి కుటుంబాలకు దూరంగా ఉండే సందర్భాలు కూడా ఎన్నో ఉంటాయి. ఇంతటి పెద్ద ప్రాజెక్ట్‌ కి భారీ బడ్జెట్‌ తో పాటు శాస్త్రవేత్తలకు, మానసిక బలం కూడా ఎంతో అవసరం. వీటిని అందించిన మన ప్రధాని శ్రీ నరేంద్ర మోడి గారికి ముందుగా అభినందనలు తెలియజేయాలి. చంద్రయాన్‌ 2 విఫలమయ్యేటప్పుడు ఆయన ఇస్రో చైర్మన్‌ని ఓదార్చడం మనమందరం లైవ్‌ లో వీక్షించాం. చంద్రయాన్‌ 2 విఫలమైనా కూడా, శాస్త్రవేత్తల మీద ఆయనకున్న నమ్మకంతో వాళ్లకి స్వేచ్ఛా స్వాతంత్య్రాలు ఇచ్చి చంద్రయాన్‌ 3 కి పచ్చజెండా ఊపారు. మన ఇస్రో వారు ఆయనకున్న నమ్మకాన్ని వొమ్ము చేయలేదు. దీని బడ్జెట్‌ సుమారుగా 715 కోట్లు పైచిలుకు. భారతదేశంలోని ఆంధ్రప్రదేశ్‌లోని శ్రీహరికోటలోని సతీష్‌ ధావన్‌ స్పేస్‌ సెంటర్‌ సెకెండ్ లాంచ్‌ ప్యాడ్ నుండి షెడ్యూల్‌ ప్రకారం 14 జూలై 2023న మధ్యాహ్నం 2:35 గంటలకు చంద్రయాన్‌-3ని ప్రయోగించారు . అంతరిక్ష నౌక 5 ఆగస్టు 2023న చంద్ర కక్ష్యలోకి ప్రవేశించింది. క్లిష్టమైన 17 నిమిషాలు పూర్తిచేసుకొని ఆగస్టు 23న సాయంత్రం సరిగ్గా 6:03 గంటలకు చం ద్రుని దక్షిణ ధృవ ప్రాంతంలో సురక్షితంగా ల్యాండ్ అయ్యింది. ఇంతవరకు సాప్ట్‌ ల్యాండింగ్‌ చేసిన అమెరికా, చైనా, సోవియట్‌ దేశాల సరసన మనదేశం చేరింది. కానీ దక్షిణ దృవానికి చేరిన మొదటి దేశం మనదే కావడం గమనార్హం. చంద్రయాన్‌-3 అనేది చంద్రుని ఉపరితలంపై సురక్షితమైన ల్యాండింగ్‌ మరియు రోవింగ్‌లో ఎండ్‌ టు-ఎండ్‌ సామర్థ్యాన్ని ప్రదర్శించడానికి చంద్రయాన్‌-2కి ఫాలో-ఆన్‌ మిషన్‌. నౌక చంద్రకక్ష్య లోనికి ప్రవేశించిన తరువాత చివరి నిమిషంలో సాంకేతికంగా లాండింగ్‌ గైడెన్స్‌ సాఫ్టువేర్‌లో వచ్చిన లోపం కారణంగా చంద్రయాన్‌ 2 విఫలమయింది. అటువంటి పొరపాట్లు జరగకుండా ఎన్నో జాగ్రత్తలు తీసుకుంది. నిజానికి ఈ ప్రయోగం ముందే జరగవలసి ఉంది. కానీ కోవిడ్‌ మహమ్మారి నేపథ్యంలో ఆలస్యం జరిగింది. చంద్రయాన్‌ 3 అనేక సవాళ్లను ఎదుర్కొంది.
చంద్రయాన్‌-3 అనేది చాలా ప్రమాదాలు మరియు అనిశ్చితులతో కూడిన సవాలుతో కూడిన మిషన్‌. మిషన్‌ లో అత్యంత కష్టతరమైన భాగం చంద్రునిపై మృదువైన ల్యాండింగ్‌, దీనికి ఖచ్చితమైన సమయం, ఖచ్చితత్వం మరియు నియంత్రణ అవసరం. ల్యాండర్‌ ఉపరితలంపై అడ్డంకులు మరియు క్రేటర్‌లను తప్పించుకుంటూ దాదాపు 15 నిమిషాల్లో 6 కిమీ/సె నుండి సున్నాకి వేగాన్ని తగ్గించాలి. ల్యాండర్‌ తన సెన్సార్లు మరియు కెమెరాలను ఉపయోగించి ప్రమాదాలను స్వయంప్రతిపత్తితో గుర్తించి, నివారించాలి. భూమి మరియు చంద్రుని మధ్య కమ్యూనికేషన్‌ ఆలస్యం, ఇది ఒక మార్గంలో దాదాపు 2.5 సెకన్లు. ల్యాండింగ్‌ దశలో గ్రౌండ్‌ స్టేషన్‌ నుండి రియల్‌ టైమ్‌ కంట్రోల్‌ లేదా ఫీడ్‌బ్యాక్‌ ఉండదని దీని అర్థం. ల్యాండింగ్‌ సీక్వెన్స్‌ను అమలు చేయడానికి ల్యాండర్‌ దాని ఆన్‌బోర్డ్‌ కంప్యూటర్‌ మరియు సాఫ్ట్‌వేర్‌పై ఆధారపడాలి. మూడవ సవాలు చంద్రునిపై తీవ్రమైన ఉష్ణోగ్రత వైవిధ్యం, ఇది పగలు లేదా రాత్రి అనే దానిపై ఆధారపడి -173 డిగ్రీల సెంటీ గ్రేడ్నుండి 127 డిగ్రీల సెంటీ గ్రేడుల వరకు ఉంటుంది. ల్యాండర్‌ మరియు రోవర్‌ థర్మల్‌ ఇన్సులేషన్‌ మరియు హీటర్లను ఉపయోగించి ఈ హెచ్చుతగ్గులను తట్టుకోవాలి. చంద్రయాన్‌ 3 లక్ష్యాలు ఇస్రో శాస్త్రవేత్తలు ప్రకటన ప్రకారం ఇది ప్రధానంగా మూడు లక్ష్యాలను కలిగి ఉంది. ఒకటి ల్యాండర్‌ను చంద్రుని ఉపరితలంపై సురక్షితంగా మరియు మృదువుగా ల్యాండ్ చేయడం. రెండు చంద్రునిపై రోవర్‌ యొక్క లాటరింగ్‌ సామర్థ్యాలను గమనించడం మరియు ప్రదర్శించడం. మూడవది చంద్రుని కూర్పును బాగా అర్థం చేసుకోవడానికి చంద్ర ఉపరితలంపై అందుబాటులో ఉన్న పదార్థాలపై ఇన్‌-సైట్‌ పరిశీలన మరియు ప్రయోగాలు నిర్వహించడం. చంద్రయాన్‌ 3 మిషన్‌ ప్రధానంగా మూడు భాగాలను కలిగి ఉంది. అవి ప్రొపల్షన్‌ మాడ్యూ ల్‌, ల్యాండర్‌, రోవర్‌. ఇందులో విక్రమ్‌ అనే ల్యాండర్‌ మరియు ప్రజ్ఞాన్‌ అనే రోవర్‌ ఉన్నాయి, ఇవి చంద్రయాన్‌-2కి సమానంగా ఉంటాయి. అయితే, దీనికి ఆర్బిటర్‌ లేదు, ఎందుకంటే ఇది కమ్యూనికేషన్‌ మరియు నావిగేషన్‌ కోసం చంద్రయాన్‌-2 యొక్క ఆర్బిటర్‌ను ఉపయోగిస్తుంది. ల్యాండర్‌ మరియు రోవర్‌ చంద్రుని యొక్క కఠినమైన వాతావరణాన్ని తట్టుకునేలా మరియు ఒక చాంద్రమాన రోజు (14 ఎర్త్‌ డేస్‌) పని చేసేలా రూపొందించబడ్డాయి.
ప్రొపల్షన్‌ మాడ్యూల్‌ అనేది 100 కిమీ చంద్ర కక్ష్య వరకు ల్యాండర్‌ మరియు రోవర్‌ కాన్ఫిగరేషన్‌ను తీసుకు వెళుతుంది. ల్యాండర్‌ అనేది చంద్రునిపై మృదువైన ల్యాండింగ్‌కు ఉపయోగపడుతుంది. ఇందులో రోవర్‌ ప్రధానమైనది. చంద్రునిపై రోవర్‌ అనేక ముఖ్యమైన శాస్త్రీయ ఆవిష్కరణలు చేస్తుంది. ఇది చంద్రుని ఉపరితలం యొక్క స్వభావం, చంద్రుని నేలలో నీటి మంచు ఉనికి, చంద్రుని చరిత్ర, చంద్రుని వాతావరణం యొక్క పరిణామము వంటి వాటిని పరిశోధిస్తుంది. ఇంకా లాండర్‌ చంద్రుని ఉపరి తలం యొక్క ఉష్ణ వాహకత మరియు ఉష్ణోగ్రతను కొలుస్తుంది.
ప్రొపల్షన్‌ మాడ్యూల్‌ చంద్ర కక్ష్య నుండి భూమి యొక్క స్పెక్ట్రల్‌ మరియు పోలారిమెట్రిక్‌ కొలతలను అధ్యయనం చేస్తుంది. మిషన్‌ లక్ష్యాలను సాధించడానికి, ల్యాండర్‌లో అనేక అధునాతన సాంకేతికతలు ఉన్నాయి. అల్టీమీటర్లు, వెలోసిమీటర్లు, లేజర్‌ గైరో ఆధారిత జడత్వ రిఫరెన్సింగ్‌ మరియు యాక్సిలెరోమీటర్‌ ప్యాకేజీ మొదలైనవి ఉన్నాయి.
చంద్రయాన్‌ మిషన్‌ ప్రయోగానికి ముందే శాస్త్రవేత్తలు భూమి మీద ఎన్నో కఠినమైన పరీక్షలు నిర్వహించారు. ఈ ప్రయోగం జరగక ముందు వీటి నైపుణ్యాలను పరిశీలించారు. ఈ పరీక్షలలో హెలికాప్టర్‌ని టెస్ట్‌ ప్లాట్‌ ఫారమ్‌గా ఉపయోగించి ఇంటిగ్రేటెడ్‌ సెన్సార్లు మరియు నావిగేషన్‌ పనితీరు పరీక్ష యొక్క ప్రదర్శన కోసం ఇంటి గ్రేటెడ్‌ కోల్డ్‌ పరీక్షను, టవర్‌ క్రేన్‌ని టెస్ట్‌ ప్లాట్‌ఫారమ్‌గా ఉపయోగించి సెన్సార్లు, యాక్యుయేటర్లు మరియు యన్‌.జి.సితో క్లోజ్డ్‌ లూప్‌ పనితీరు పరీక్ష యొక్క ప్రదర్శన కోసం ఇంటిగ్రేటెడ్‌ హాట్‌ పరీక్షను, వివిధ టచ్‌ డౌన్‌ పరిస్థితులను అనుకరించే లూనార్‌ సిమ్యులెంట్‌ టెస్ట్‌ బెడ్‌పై ల్యాండర్‌ లెగ్‌ మెకానిజం పనితీరును పరీక్షించారు. ఇవన్నీ విజయవంతం అయినాయి. చివరకు అన్నింటినీ దాటుకొని భారత్‌ జయకేతనం ఎగురవేసింది.
డీజే మోహన రావు
- 9440485824
