సూర్యాపేట మండలం ఎండ్లపల్లి గ్రామంలో శ్రీ పార్వతీ సమేత స్వయంభూ శంభు లింగేశ్వర స్వామి దేవాలయంలో గత మూడు రోజులుగా లింగాయత్ లింగ బలిజ పూజారుల ఆధ్వర్యంలో శివరాత్రి వేడుకలు ఘనంగా నిర్వహించారు. ఉత్సవాలలో భాగంగా దేవాలయంలో రుద్రాభిషేకాలతో పాటు, పార్వతి పరమేశ్వరుల కళ్యాణం అంగరంగ వైభవంగా నిర్వహించారు. అనంతరం నంది వాహనంపై పార్వతి పరమేశ్వరుల సేవా కార్యక్రమాన్ని నిర్వహించారు. గ్రామంలోని శివ స్వాములు గ్రామ పెద్దల సమక్షంలో అగ్నిగుండాల మహోత్సవం కార్యక్రమాన్ని నిర్వహించారు.
అనంతరం లింగాయత్ లింగ బలిజల, ఈర ముష్టి వారి ఆధ్వర్యంలో గెలుపు కార్యక్రమం, ప్రభలు నెలవారం కార్యక్రమం చేపట్టారు. వివిధ ప్రాంతాల నుంచి వచ్చిన భక్తులకు శ్రీ కంఠమహేశ్వర యూత్ ఆధ్వర్యంలో భారీగా అన్నదాన కార్యక్రమాన్ని నిర్వహించారు.
ఈ కార్యక్రమంలో ఎండ్లపల్లి మాజీ సర్పంచ్ దండి సుగుణమ్మ, సూర్యాపేట మండల బ్లాక్ కాంగ్రెస్ అధ్యక్షుడు దండి రమేష్, ఎంపీటీసీ కుంట్ల సరిత అనంత రెడ్డి, మాజీ వార్డు మెంబర్లు, పూజారులు మూల వీరయ్య, రమేష్, బత్తుల మల్లికార్జున్, విఠలప్ప అధికారులు, గ్రామ పెద్దలు పాల్గొన్నారు.
