గ్లోబల్ స్టార్ రామ్ చరణ్ జన్మదినం సందర్బంగా నంద్యాల జనసేన పార్టీ కార్యాలయంలో నంద్యాల రాంచరణ్ యువ శక్తి జిల్లా అధ్యక్షులు పబ్బతి రవికుమార్ జనసేన పార్టీ నంద్యాల నియోజకవర్గ సమన్వయకర్త వై విశ్వనాధ్ జనసేన నాయకులు పిడతల సుధాకర్ నంద్యాల రామ్ చరణ్ అభిమానులు, జనసైనికుల ఆధ్వర్యంలో మెగా రక్తదాన శిబిరం నిర్వహించారు.
ఈ కార్యక్రమానికి ముఖ్య అతిధులుగా నంద్యాల అసెంబ్లీ ఉమ్మడి అభ్యర్థి ఎన్ఎండి ఫరూక్ , నంద్యాల పార్లమెంట్ అభ్యర్థి బైరెడ్డి శబరి , నంద్యాల జిల్లా ప్రధాన కార్యదర్శి ఎన్ఎండి ఫిరోజ్ తదితరులు పాల్గొన్నారు.ఈ సందర్భంగా ఎన్ఎండి ఫరూక్ , బైరెడ్డి శబరి మాట్లాడుతూ జనసైనికులు మెగా అభిమానులు అందరు ఒకతాటిపై వచ్చి మా ఉమ్మడి అభ్యర్థులను అఖండ మెజారిటీతో గెలిపించాలని కోరారు . రామ్ చరణ్ ఇలాంటి పుట్టినరోజు వేడుకలు మరెన్నో జరుపుకోవాలని మెగా అభిమానులకు శుభాకాంక్షలు తెలియజేశారు.
బ్లడ్ డొనేట్ చేయడం వల్ల మరో ఇద్దరికీ ప్రాణం పోయచ్చని, ప్రతి ఒక్కరూ బ్లడ్ డొనేట్ చేయాలని అందులో ఎటువంటి అపోహలు పెట్టుకోరాదని తెలియజేశారు . ఈ కార్యక్రమంలో సాయి జయంత్, సందీప్, సురేష్, నగేష్, అమర్, రాజశేఖర్, శ్రీనివాసులు జనసైనికులు మెగా అభిమానులు భారీసంఖ్యలో పాల్గొని రక్తదానం చేశారు. ఈ సందర్భంగా ముఖ్య అతిధులు అందరు కార్యక్రమ నిర్వాహకులను అభినందించి రక్త దాతలకు ప్రశంసా పత్రాలు అందచేశారు.
