నంద్యాల నియోజకవర్గానికి సీఎం జగన్ వస్తున్న తరుణంలో నంద్యాలకు జగన్ ఏం చేశాడో చెప్పి నంద్యాలలోకి రావాలని మాజీ మంత్రి, నంద్యాల టిడిపి ఎమ్మెల్యే అభ్యర్థి ఎన్ఎండి ఫరూక్ అన్నారు. ఈ సందర్భంగా నంద్యాల టిడిపి పార్టీ కార్యాలయంలో నంద్యాల టిడిపి ఎమ్మెల్యే అభ్యర్థి ఎన్ఎండి ఫరూక్ మాట్లాడుతూ నంద్యాల నియోజకవర్గంలో వైఎస్ఆర్సిపి 5 సంవత్సరాల పాలనలో అభివృద్ధి ఏమి లేదని .. నీరు , నిధులు , నియామకాలు కల్పించడంలో ఈ వైఎస్ఆర్సిపి ప్రభుత్వం ఘోరంగా విఫలమైందన్నారు . ఒక పరిశ్రమ గాని ఒక ప్రాజెక్టు గానీ తీసుకురావడంలో విఫలమైందని మండిపడ్డారు. అభివృద్ధి అంటే తెలుగుదేశం అని ఇంకో 50 రోజుల్లో వైసీపీ పాలన అంతమవుతుందన్నారు ఫరూక్. తెలుగుదేశం వచ్చిన తర్వాత పరిశ్రమల ఏర్పాటు చేసి ఉపాధి కల్పిస్తామని ధరలు తగ్గించి ప్రజలకు సౌకర్యాలు కల్పిస్తామని తెలియజేశారు.
