APSSDC ఇంజినీరింగ్ విద్యార్థుల కోసం “5G కమ్యూనికేషన్ టెక్నాలజీ” కోర్సును ప్రారంభించింది.
ఆంధ్రప్రదేశ్ ముఖ్యమంత్రి వైఎస్ జగన్ మోహన్ రెడ్డి నిర్దేశించిన లక్ష్యాలకు అనుగుణంగా ఇంజనీరింగ్ విద్యార్థుల కోసం “5G కమ్యూనికేషన్ టెక్నాలజీ” పై ఒక మార్గదర్శక కోర్సును APSSDC తాడేపల్లి కార్యాలయం లో ప్రభుత్వ సలహాదారు (SD&T) చల్లా మధుసూధన్ రెడ్డి, APSSDC చైర్మన్ కొండూరు అజయ్ రెడ్డి, మేనేజింగ్ డైరెక్టర్ & CEO, డా. వినోద్ కుమార్ V, IAS కలిసి ప్రారంభించారు.
టెలికాం సెక్టార్ స్కిల్ కౌన్సిల్ (TSSC) మరియు జర్మన్ అకాడమీ ఆఫ్ డిజిటల్ ఎడ్యుకేషన్ (DADB) సహకారంతో, APSSDC ట్రైనింగ్‌తో కూడిన హై-క్లాస్ ఆన్‌లైన్ కోర్సులను అందిస్తోంది. ఆంధ్రప్రదేశ్ యువతకు ప్రపంచ స్థాయి విద్యను అందించడానికి కొత్త మార్గాలను కల్పించి , వేగంగా అభివృద్ధి చెందుతున్న 5G సాంకేతికత రంగంలో విద్యార్థులకు ఉజ్వల భవిష్యత్తును పెంపొందిస్తుంది.
APSSDC MD& CEO డా. వినోద్ కుమార్ V, IAS మాట్లాడుతూ ‘5G కమ్యూనికేషన్ టెక్నాలజీ’ కోర్సు ప్రారంభించటం వల్ల, అత్యాధునిక విద్యను అందించడానికి, ఆంధ్రప్రదేశ్ లో ఇంజనీరింగ్ చదువుతున్న విద్యార్థుల ఉపాధిని పెంపొందించడానికి APSSDC యొక్క అంకితభావాన్ని ప్రతిబింబిస్తుంది అని తెలియచేసారు.
ఈ కార్యక్రమంలో ప్రభుత్వ సలహాదారు (SD&T) చల్లా మధుసూధన్ రెడ్డి, APSSDC చైర్మన్ కొండూరు అజయ్ రెడ్డి, మేనేజింగ్ డైరెక్టర్ & CEO, డా. వినోద్ కుమార్ V, IAS ,ED & ADG- NAC కే దినేష్ కుమార్, జర్మన్ అకాడమీ ఆఫ్ డిజిటల్ ఎడ్యుకేషన్ (DADB) తరుపున శరణ్య రీజినల్ హెడ్ ప్రాజెక్ట్ మేనేజర్, APSSDC సిబ్బంది పాల్గొన్నారు.