Chandrababu: మహారాష్ట్ర ఎన్నికల ఫలితాల్లో(Maharastra Assembly Election Results)బీజేపీ నేతృత్వంలోని మహాయుతి కూటమి విజయం దిశగా దూసుకెళ్తుండటంతో ఏపీ సీఎం చంద్రబాబు(Chandrababu) హర్షం వ్యక్తం చేశారు. మహాయుతి కూటమి అధికారంలోకి రావడం ఖాయం కావడంతో చంద్రబాబు శుభాకాంక్షలు తెలిపారు. ఈ సందర్భంగా కేంద్ర హోంమంత్రి అమిత్ షా, మహారాష్ట్ర సీఎం ఏక్‌నాథ్‌ షిండే, డిప్యూటీ సీఎం దేవేంద్ర ఫడణవీస్‌కు చంద్రబాబు ఫోన్ చేసి శుభాకాంక్షలు తెలిపారు. ఎన్నికల్లో ప్రజలు అపూర్వ విజయం అందిస్తున్నారంటూ కొనియాడారు.
- Advertisement -
కాగా మహారాష్ట్ర ఎన్నికల ఫలితాల్లో మహాయుతి కూటమి భారీ విజయం దిశగా దూసుకెళ్తోంది. ఇప్పటి వరకు వెల్లడైన ఫలితాల ప్రకారం ఆ కూటమి 222 స్థానాల్లో ఆధిక్యంలో ఉంది. ఇక ప్రతిపక్ష మహా వికాస్ అఘాడీ కూటమి కేవలం 60 స్థానాల్లోనే ముందంజలో ఉంది.
