ఏపీ సీఎం చంద్రబాబు(CM Chandrababu) మనవడు, మంత్రి నారా లోకేశ్(Nara Lokesh) తనయుడు దేవాంశ్(Devansh) చెస్‌లో వరల్డ్ రికార్డ్ నెలకొల్పాడు. వేగంగా పావులు కదపడంలో 9 ఏళ్ల దేవాంశ్ ఈ రికార్డు నెలకొల్పారు. ‘‘వేగవంతమైన చెక్‌మేట్ సాల్వర్ – 175 పజిల్స్’’ ప్రపంచ రికార్డు కైవసం చేసుకున్నారు. దీంతో ప్రతిష్ఠాత్మకమైన వరల్డ్ బుక్ ఆఫ్ రికార్డ్స్ లండన్ నుంచి అధికారిక ధ్రువీకరణ పత్రాన్ని అందుకున్నారు. దేవాంశ్ రికార్డు పట్ల నారా కుటుంబం హర్షం వ్యక్తం చేసింది.
తన కుమారుడు సాధించిన ఘనత పట్ల లోకేశ్ హర్షం వ్యక్తం చేశారు. ‘‘దేవాంశ్ ఈ క్రీడను ఎంతో ఇష్టంగా స్వీకరించాడు. గ్లోబల్‌ అరేనాలో భారతీయ చెస్‌ క్రీడాకారుల అద్భుతమైన, చారిత్రాత్మక ప్రదర్శనల నుంచి ప్రేరణ పొందాడు. ఈ ఈవెంట్‌ కోసం గత కొన్ని వారాలుగా రోజుకు 5,6 గంటలు శిక్షణ పొందాడు. చెస్‌ పాఠాలు నేర్పిన రాయ్‌ చెస్‌ అకాడమీకి ధన్యవాదాలు’’ చెప్పారు.
