Lokesh Anantapur Visit ఆంధ్రప్రదేశ్ ఐటీ, విద్యా శాఖల మంత్రి నారా లోకేశ్ అనంతపురం జిల్లాలో రెండు రోజులపాటు పర్యటించారు. ఈ నేపథ్యంలో పుట్టపర్తి విమానాశ్రయానికి చేరుకున్న లోకేశ్‌కు TDP శ్రేణులు, ప్రజలు ఘనంగా స్వాగతం పలికారు.
ALSO READ: Fee Reimbursement: చర్చలు సఫలం.. తెలంగాణలో రేపటి నుంచి తెరుచుకోనున్న ప్రైవేట్‌ కళాశాలలు
అనంతపురంలో మంత్రి నారా లోకేష్ కు ఘన స్వాగతం లభించింది. ఈ నేపథ్యంలో ఆర్థిక శాఖ మంత్రి పయ్యావుల కేశవ, ఎంపీలు బీకె పార్థసారథి, అంబికా లక్ష్మీ నారాయణ, ఎమ్మెల్యేలు, సీనియర్ నాయకులు, కార్యకర్తలు ఆయనకు స్వాగతం పలికారు.
విమానాశ్రయం నుంచి రోడ్డు మార్గంలో కళ్యాణదుర్గం బయలుదేరిన లోకేశ్, మార్గమధ్యంలో ప్రజలను పలకరించారు. ప్రతి ఒక్కరి అర్జీలు స్వీకరించి, సమస్యలు విన్నారు. దారి పొడవునా TDP కార్యకర్తలు, ప్రజలు నీరాజనాలు పలికారు. ధర్మవరం పట్టణంలో పొట్టి శ్రీరాములు కూడలి వద్ద తెలుగు యువత ఆధ్వర్యంలో గజమాలతో స్వాగతం పలికారు. మామిళ్లపల్లి గ్రామంలో TDP శ్రేణులు పెద్ద ఎత్తున ఏర్పాట్లు చేశాయి. మాజీ మంత్రి పల్లె రఘునాథరెడ్డి, ఎమ్మెల్యేలు పల్లె సింధూరారెడ్డి, అమిలినేని సురేంద్రబాబు, కందికుంట వెంకట ప్రసాద్, దగ్గుబాటి వెంకట ప్రసాద్, బండారు శ్రావణి శ్రీ, ఎమ్ఎస్ రాజు తదితరులు స్వాగతం పలికారు.
అనంతపురం జిల్లా TDPకు కంచుకోట. 2024 ఎన్నికల్లో TDP 24 సీట్లు గెలిచింది. లోకేశ్ పర్యటన TDP శ్రేణుల్లో ఉత్సాహం నింపింది. ఈ నేపథ్యంలో జిల్లాలో వ్యవసాయం, పరిశ్రమలు, విద్యా సమస్యలు తీర్చడానికి కృషి చేస్తామని లోకేశ్ హామీ ఇచ్చారు. ప్రజల అర్జీలు త్వరలో పరిష్కరిస్తామని తెలిపారు. రైతులు, యువత, మహిళలకు ప్రాధాన్యత ఇస్తామని హామీ ఇచ్చారు.
