ఏపీ డిప్యూటీ సీఎం పవన్ కళ్యాణ్(Pawan kalyan) చిన్న కుమారుడు మార్క్ శంకర్(Mark shankar) ఇటీవల అగ్ని ప్రమాదంలో గాయపడిన సంగతి తెలిసిందే. ఈ ప్రమాదంలో చిన్నారి చేతులు, కాళ్ళకు స్వల్ప గాయాలు కాగా.. ఊపిరితిత్తుల్లోకి పొగ వెళ్లడంతో ఇబ్బంది పడ్డారు. ప్రస్తుతం ఆసుపత్రిలో చికిత్స పొందుతున్నాడు. తాజాగా ఆసుపత్రిలో చికిత్స పొందుతున్న మార్క్ శంకర్ ఫొటో ఒకటి బయటకు వచ్చింది. ఈ ఫొటోలో తాను ప్రస్తుతం క్షేమంగానే ఉన్నాను అంటూ చేతులతో సైగ చేశాడు. దీంతో అభిమానులు సంతోషం వ్యక్తం చేస్తున్నారు.
- Advertisement -
కాగా పవన్ కళ్యాణ్ తన కుమారుడిని చూడటం కోసం సింగపూర్‌కు వెళ్లారు. అలాగే చిరంజీవి దంపతులు కూడా పవన్‌తో కలిసి అక్కడికి చేరుకున్నారు. పవన్ కుమారుడు త్వరగా కోలుకోవాలని రాజకీయ, సినీ ప్రముఖులు సైతం ఆకాంక్షిస్తున్నారు.
