Peapully: ఉత్తమ ఉపాధ్యాయురాలుగా ఆస్మా బేగం

ఉపాధ్యాయ దినోత్సవం సందర్భంగా విద్యాశాఖ ప్రకటించిన రాష్ట్ర స్థాయి ఉత్తమ అవార్డుల్లో మండలంలోని పోతుదొడ్డి పాఠశాల ఉపాధ్యాయురాలు ఆస్మా బేగం నంద్యాల జిల్లా కలెక్టర్ మనజీర్ జిలాని సామూన్ చేతుల మీదుగా ఉత్తమ అవార్డు అందుకున్నారు.
గతంలో రంగాపురం గ్రామంలో పనిచేసే సమయంలో అక్కడ కేవలం ఒక తరగతి గది మాత్రమే ఉన్నప్పటికీ బయట వరండాలో కొద్దిమంది విద్యార్థులను కూర్చోబెట్టుకొని బోధన సాగించేవారు. తరగతి గది మొత్తం టీఎల్ఎంతో నిండి ఉండేది. చుట్టూ ఉన్న పరిసరాల్లో దొరికే వస్తువులతోనే విద్యార్థులకు బోధన చేసేవారు. ఆమె సేవలను గుర్తించిన రాష్ట్ర ప్రభుత్వం ఈ ఏడాది రాష్ట్ర ఉత్తమ ఉపాధ్యాయురాలిగా ఎంపిక చేసింది. దీంతో తోటి ఉపాధ్యాయులు, గ్రామస్తులు, బంధువులు హర్షం వ్యక్తం చేస్తున్నారు. అవార్డు రావడం చాలా సంతోషంగా ఉన్నదని అస్మా పేర్కొన్నారు.