PAC Chairman| ఆంధ్రప్రదేశ్ పబ్లిక్ అకౌంట్స్ ఆఫీసర్(PAC) ఛైర్మన్‌గా జనసేన ఎమ్మెల్యే పులపర్తి రామాంజనేయులు ఎన్నికయ్యారు. ఇక కమిటీ సభ్యులుగా టీడీపీ ఎమ్మెల్యేలు శ్రీరాం రాజగోపాల్, బీవీ జయనాగేశ్వర్ రెడ్డి, అశోక్ రెడ్డి, బూర్ల ఆజంనేయుడు, నక్కా ఆనంద్, కోళ్ల లలిత కుమారి.. బీజేపీ ఎమ్మెల్యేలు అరిమిల్లి రాధాకృష్ణ, విష్ణుకుమార్ రాజు ఎన్నికైనట్లు స్పీకర్ అయ్యన్నపాత్రుడు ప్రకటించారు.
- Advertisement -
మరోవైపు తగినంత బలం లేకపోయినా వైసీపీ తరపున పెద్దిరెడ్డి రామచంద్రారెడ్డి నామినేషన్ వేశారు. ఆనవాయితీ ప్రకారం ప్రతిపక్ష పార్టీకి చెందిన సభ్యున్ని పీఏసీ చైర్మన్ పదవికి ఎన్నుకుంటారు. కానీ సంఖ్యాబలం తక్కువ ఉండటంతో వైసీపీకి ఆ హోదా దక్కలేదు. దీంతో కూటమి సభ్యునికే చైర్మన్ పదవి దక్కింది.
