Bigg Boss New Promo: బిగ్‌బాస్ సండే ఎపిసోడ్లో మిరాయ్ మూవీ టీమ్ సందడి చేసింది. మూవీ ప్రమోషన్స్ కోసం తేజ సజ్జా, రితికా నాయక్ సండే ఎపిసోడ్ లో కన్పించారు. ఈ సందర్భంగా హౌస్‌మేట్స్‌కి ఓ ఫన్నీ గేమ్ పెట్టారు. ఇందులో స్టేజ్ మీద నుంచే హీరోహీరోయిన్లు కూడా పార్టిసిపేట్ చేశారు. ఇక వీరితో నాగార్జున సరదాగా మాట్లాడిన ప్రోమోపై ఓ లుక్కేద్దాం. మిరాయ్ మూవీ టీమ్ ప్రమోషన్స్ కోసం బిగ్‌బాస్ సీజన్-9కి వచ్చింది. సండే ఎపిసోడ్లో హీరోహీరోయిన్లు తేజ సజ్జా- రితికా నాయక్ సందడి చేశారు. వీళ్లిద్దరూ స్టేజ్ మీదకి రాగానే హౌస్‌మెట్స్ అందరూ “వైబ్ ఉంది బేబీ వైబ్ ఉందిలే..” సాంగ్ పాడుతూ గ్రాండ్ వెల్కమ్ ఇచ్చారు. ఇది చూసి మీ వైబ్ చూస్తుంటే తెలిసిపోతుంది మీరు చాలా చాలా ఎంజాయ్ చేస్తున్నారు.. అంటూ తేజ సజ్జా అన్నాడు. దీనికి అన్నా ఫుల్లు వైబ్ అన్నా రోజుకొక వైబ్ ఇక్కడ.. అంటూ వెటకారంగా ఇమ్మాన్యూయేల్ మాట్లాడారు. ఇక మిరాయ్ కథలో నీకు బాగా ఏం నచ్చింది.. అని నాగార్జున అడిగారు. మన భారత ఇతిహాసాల్ని యాక్షన్ అడ్వెంచర్‌లో మిక్స్ చేసి ఒక గ్రాండ్ స్కేల్ విజువల్‌తో ఒక ఆడిటోరియమ్ ఎక్స్‌పీరియన్స్ ఇచ్చే సినిమా దొరకడం చాలా కష్టం.. అందుకే ఈ కథ వినగానే ఓకే చెప్పేశాను.. అంటూ తేజ అన్నాడు. తర్వాత నాగార్జునని చూస్తూ మీరు మా అమ్మ ఫేవరెట్ హీరో.. ఆమె మీవి చాలా సినిమాలు చూసింది.. అంటూ రితికా చెప్పింది.
Read Also: Irfan Pathan: తరానికి ఒక్కడు అనేలాంటి ప్లేయర్.. బుమ్రాపై ఇర్ఫాన్ పఠాన్ ప్రశంసలు
ఫన్ గేమ్
ఇక పాట పేరు చెప్పి దాన్ని బొమ్మ గీస్తే అవతలి వ్యక్తి కనిపెట్టాలి ఇంటూ నాగార్జున గేమ్ పెట్టారు. ముందుగా బొమ్మ గీయడానికి ఇమ్మాన్యూయేల్ వచ్చాడు.. గెస్ చేయడానికి ఎవరొస్తున్నారు అటు నుంచి.. అని అడగ్గానే రాము వచ్చాడు. ‘కాటుక కన్నులే.’. అనే పాటకి బొమ్మ గీయడానికి ఇటు ఇమ్మూ అటు పవన్ కళ్యాణ్ బొమ్మ గీశాడు. ఫాస్ట్ గా మనీష్ గంట కొట్టి ఆన్సర్ చెప్తా అన్నాడు. కొట్టాడు ఆటోమేటిక్‍‌గా వాళ్లు రాంగ్ చెప్తారులే.. అంటూ ఇమ్మూ ధీమాగా అన్నాడు. కాటుక కళ్లు కాటుక కళ్లు ఏమంటున్నాయి.. అని మనీష్ చెప్పగానే అదేంటి రాంగ్ కదా.. అంటూ ఇమ్మూ అన్నాడు. ఇక మేము రెడీ సార్.. అంటూ చెప్పగానే ఆన్సర్ చెప్పండని నాగ్ అన్నారు. ఆకాశం అమ్మాయి అయితే అంటూ రాము చెప్పగానే ఏయ్ అందుకేనా చెప్పొచ్చా అని అడిగావ్.. అంటూ ఇమ్మూ కామెడీ చేశాడు. ఇక ఇమ్మూ వేసిన బొమ్మ చూసి ఏవోయ్ ఆర్టిస్ట్ అన్నావ్ కదా సామీ నువ్వు.. ఫస్ట్ లేచావ్ నువ్వు వేస్తా అని అన్నావ్.. ఇలా వేశావేంటి అంటూ తేజ సరదాగా అన్నాడు. మార్నింగ్ నుంచి కాటుక పెడతానే ఉన్నాను అయినా తెలీలేదు వాడికి.. అంటూ ఇమ్మూ కామెడీ చేశాడు. ఇక ఎవరూ సాంగ్ గెస్ చేయకపోవడంతో తేజ-రితికా డ్యాన్స్ చేయలంటూ నాగ్ అన్నారు. దీంతో ఓకే అని డ్యాన్స్ చేశారు.
కావాలంటే నన్ను హౌస్ లోకి పంపించండి..
తర్వాత మరో బొమ్మ గీయగా అది కూడా తప్పయింది. దీంతో మళ్లీ సేమ్ సిట్యువేషన్ వీళ్లు డ్యాన్స్ చేయాలి.. అంటూ నాగ్ అన్నారు. వెంటనే సార్ ఇదెక్కడ గొడవ సార్.. నన్ను లోపలికి పంపించేయండి సార్ కావాలంటే.. అంటూ తేజ కామెడీ చేశాడు. ఆ తర్వాత ఎలిమినేషన్ ఎవరయ్యారనేది నాగ్ చెప్తున్నట్లుగా ఉంది. అయితే, లీకుల ప్రకారం ఈసారి శ్రష్టి వర్మ ఎలిమినేట్ అయినట్లు తెలుస్తోంది.
