Kotak Mutual Funds Decreased In Reliance: కోటక్ ఫైనాన్స్ గ్రూప్ లో భాగంగా మ్యూచువల్ ఫండ్ ని కోటక్ మహీంద్రా బ్యాంక్ ప్రారంభించింది. ప్రభుత్వ సెక్యూరిటీపై ద్రుష్టి సారించి కోటక్ గిల్ట్ లాంగ్ టర్మ్ ఫండ్, కోటక్ గిల్ట్ షార్ట్ టర్మ్ ఫండ్ లను డిసెంబర్ 29, 1998 న ప్రవేశపెట్టింది. 31 మార్చి 2025 నాటికి కోటక్ మ్యూచువల్ ఫండ్ 43 భారతీయ ఏఎంసీ లలో ఏయూఎం ద్వారా 5వ స్థానంలో ఉంది

గతంలో లభ్యమైన పోర్టుఫోలియో డేటా ప్రకారం, కోటక్ ఫండ్ హౌస్ యొక్క ఆస్తుల నిర్వహణ విలువ రూ. 5.50 లక్షల కోట్లుగా ఉంది. ప్రస్తుతం ఇది 150 ఫండ్స్‌ను నిర్వహిస్తోంది. ప్రైమ్ డేటాబేస్ విడుదల చేసిన నెలవారీ డేటా సమాచారం మేరకు కోటక్ మ్యూచువల్ ఫండ్ జూన్ నెలలో తమ పోర్టుఫోలియోలో ఎటర్నల్ తో పాటు ఇతర 380 స్టాక్స్‌లో వాటాను పెంచింది. రిలయన్స్ ఇండస్ట్రీస్ తో పాటు ఇతర 139 స్టాక్స్‌లో వాటాను తగ్గించింది.

Read more: https://teluguprabha.net/business/big-alert-new-upi-rules-from-august-1-2025-check-full-details/

విశాల్ మెగా మార్ట్, ఇండస్‌ ఇండ్ బ్యాంక్, స్టేట్ బ్యాంక్ ఆఫ్ ఇండియా, అదానీ పోర్ట్స్ అండ్ సెజ్, ఇండియన్ హోటల్స్, నెస్లీ, అదానీ ఎంటర్‌ ప్రైజెస్, జియో ఫైనాన్షియల్ సర్వీసెస్, బీఎస్‌ఈ, పాలీ క్యాబ్ ఇండియా, సీమెన్స్, స్విగ్గీ వంటి ప్రముఖ స్టాక్స్ లో కోటక్ మ్యూచువల్ ఫండ్ తన వాటాను పెంచుకుంది.

ఇన్ఫోసిస్, ట్రెంట్, హెచ్‌డీఎఫ్‌సీ లైఫ్ ఇన్సూరెన్స్, అల్ట్రాటెక్ సిమెంట్, హిందుస్తాన్ ఏరోనాటిక్స్, హెచ్‌సీఎల్ టెక్నాలజీస్, టైటాన్, గ్రాసిమ్ ఇండస్ట్రీస్, కోల్ ఇండియా, ఇండియన్ ఎనర్జీ ఎక్స్చేంజ్, డాబర్ ఇండియా, వొడాఫోన్ ఐడియా, ఎల్‌టీఐ మైండ్‌ట్రీ, మజాగాన్ డాక్ షిప్‌ బిల్డర్స్ వంటి స్టాక్‌లలో కోటక్ మ్యూచువల్ ఫండ్ తన వాటాను తగ్గించుకుంది.

Read more: https://teluguprabha.net/business/silver-and-gold-rates-today-in-various-cities-in-india/#google_vignette

కోటక్ మ్యూచువల్ ఫండ్ తమ పోర్ట్‌ఫోలియోలో కొత్తగా హెచ్‌డీబీ ఫైనాన్షియల్ సర్వీసెస్ (20.27 లక్షల షేర్లు), ఓస్వాల్ పంప్స్ (4.66 లక్షల షేర్లు), నోసిల్ (6.97 లక్షల షేర్లు) ను కొనుగోలు చేసి మూడు కొత్త స్టాక్స్ ను యాడ్ చేసింది. అలాగే  ఓరియంట్ సిమెంట్, ఎలిన్ ఎలక్ట్రానిక్స్, యూనికామర్స్ ఈ-సొల్యూషన్స్, వీఐపీ ఇండస్ట్రీస్, మిశ్ర ధాతు నిగమ్, అదిత్య బిర్లా లైఫ్‌స్టైల్ బ్రాండ్స్ స్టాక్స్ నుంచి పూర్తిగా నిష్క్రమించింది.

2025 జూన్ 30 నాటి పోర్ట్‌ఫోలియో ప్రకారం ఫండ్ హౌస్ పెట్టుబడులు పరిశ్రమల వారిగా ఫైనాన్షియల్ సర్వీసెస్‌ (24.29%), కన్స్యూమర్ డిస్క్రిషనరీ (18.96%), కమోడిటీస్‌ (11.44%), ఇండస్ట్రియల్స్‌ (11.37%), ఇన్ఫర్మేషన్ టెక్నాలజీ (8.37%),హెల్త్‌కేర్‌ (7.48%), ఎనర్జీ (5.74%), ఎఫ్‌ఎంసీజీ (3.85%), టెలికమ్యూనికేషన్‌ (3.83%), యుటిలిటీస్‌ (2.59%), సర్వీసెస్‌(2.08%), డైవర్సిఫైడ్‌(0.01%) ఇలా ఉన్నాయి.