Land Rover Defender 110 Trophy Edition: లగ్జరీ కార్ల తయారీ సంస్థ ల్యాండ్ రోవర్ తన అత్యంత శక్తివంతమైన ఆఫ్-రోడ్ ఎస్‌యూవీలలో ఒకటైన డిఫెండర్ 110 ట్రోఫీ ఎడిషన్‌ను భారత మార్కెట్‌లోకి విడుదల చేసింది. ఈ స్పెషల్ ఎడిషన్‌ను రూ.1.30 కోట్లు (ఎక్స్-షోరూమ్) వద్ద రిలీజ్ చేసింది. క్లాసిక్ డిఫెండర్ లుక్ , ఆఫ్-రోడింగ్‌ను ఆస్వాదించే వారి కోసం కంపెనీ దీన్ని ప్రత్యేకంగా డిజైన్‌ చేసింది. ఈ ట్రోఫీ ఎడిషన్ 3.0 లీటర్ ఇన్‌లైన్-సిక్స్ ట్విన్-టర్బో డీజిల్ ఇంజిన్‌తో పనిచేస్తుంది. ఈ ఇంజిన్ 350 హార్స్‌పవర్, 700 ఎన్ఎమ్ టార్క్‌ను ఉత్పత్తి చేస్తుంది. ఈ ఇంజిన్ 8 స్పీడ్ ఆటోమేటిక్ ట్రాన్స్‌మిషన్, ఫోర్-వీల్ డ్రైవ్ సిస్టమ్‌తో వస్తుంది. ఈ ఎస్‌యూవీ కేవలం 6.4 సెకన్లలో 0 నుండి 100 కిమీ/గంట వరకు వేగాన్ని అందుకోగలదు. టాప్ స్పీడ్ గంటకు 191 కిలో మీటర్లు ఉంటుందని కంపెనీ పేర్కొంది. ఈ ఎడిషన్ హుడ్, సి-పిల్లర్, వెనుక ప్యానెల్‌పై డ్యూయల్-టోన్ బాహ్య, ట్రోఫీ-రేంజ్ డెకాల్స్‌ వంటివి ఉంటాయి. ఈ ప్రత్యేక లక్షణాలు కారును ఇతర వేరియంట్ల నుండి వేరు చేస్తాయి. అదనంగా, ట్రోఫీ ఎడిషన్‌లో 20 అంగుళాల గ్లాస్ బ్లాక్ వీల్స్, అన్ని భూభాగాలపై అద్భుతమైన పట్టును అందించే ఆల్-టెర్రైన్ టైర్లు ఉన్నాయి. ఆఫ్-రోడింగ్ సామర్థ్యాలను మెరుగుపరచడానికి అనేక అడ్వెంచర్ ఫీచర్లను కొత్తగా అందించారు. కస్టమైజ్డ్ ఫీచర్లలో బ్లాక్ రూఫ్ లాడర్, సైడ్-మౌంటెడ్ క్యారియర్, క్లాసిక్ వెనుక మడ్ ఫ్లాప్‌లు, ప్రొటక్ట్ డిజైన్ కష్టతరమైన భూభాగాల సజావుగా ప్రయాణాన్ని అందిస్తాయి.

Also Read: https://teluguprabha.net/technology-news/top-5-smartphones-with-best-camera-quality/

క్లాసిక్‌ డిజైన్‌, అధిరిపోయే లుక్‌..

ల్యాండ్‌ రోవర్‌ కంపెనీ ఈ కారును క్లాసిక్ డిజైన్‌తో తయారు చేసింది. పాత మోడల్‌ క్యాబిన్‌కు కొన్ని ఆధునిక మెరుగులు జోడించి అధిరిపోయే అప్‌డేటెడ్‌ ఫీచర్లతో రిలీజ్‌ చేసింది. ఈ కారులో ఎబోనీ విండ్సర్ లెదర్ అప్హోల్స్టరీ, ఇల్యూమినేటెడ్ ట్రెడ్ ప్లేట్లను అమర్చింది. కారు క్రాస్-బార్ బీమ్ అధిరిపోయే లుక్‌లో కనిపిస్తుంది. కారు లోపల మరింత ప్రీమియం డిజైన్‌ కలిగి ఉంటుంది. డ్రైవ్‌ట్రెయిన్, సస్పెన్షన్ సెటప్‌లో మాత్రం ఎటువంటి మార్పులు చేయలేదు. ఈ ఎస్‌యూవీ ఆఫ్-రోడ్ సామర్థ్యాన్ని అందిస్తుంది. ఈ ట్రోఫీ ఎడిషన్ ప్రత్యేకమైన ఐడెంటిటీతో వస్తుంది. రేంజ్ రోవర్, డిఫెండర్, డిస్కవరీ వంటి ల్యాండ్ రోవర్ వాహనాలు ప్రీమియం డిజైన్‌తో వస్తాయి. ముఖ్యంగా ల్యాండ్‌ రోవర్‌ ప్రత్యేక ఎడిషన్, డిజైన్, కలర్ స్కీమ్‌తో అందరినీ ఆకట్టుకుంటుంది. డిఫెండర్ 110 ట్రోఫీ ఎడిషన్ అడ్వెంచర్, లగ్జరీ మోడల్‌గా ప్రసిద్ధి చెందింది. దీని శక్తివంతమైన పనితీరు, క్లాసిక్ లుక్స్, ఆఫ్-రోడ్ ఫీచర్లు ఒక ప్రత్యేకమైన వాహనంగా మార్కెట్‌లో నిలబెట్టాయి.