Kasturi| సినీ నటి, బీజేపీ మహిళా నేత కస్తూరి అరెస్టు అయ్యారు. హైదరాబాద్ గచ్చిబౌలిలో ఆమెను తమిళనాడు పోలీసులు అదుపులోకి తీసుకున్నారు. ఇటీవల ఓ కార్యక్రమంలో తెలుగు వారిపై ఆమె వివాదాస్పద వ్యాఖ్యలు చేసిన సంగతి తెలిసిందే. ఈ నేపథ్యంలో తమిళనాడులోని పలు పోలీస్ స్టేషన్లలో ఆమెపై తెలుగు సంఘాలు ఫిర్యాదు చేశాయి.
- Advertisement -
ఈ క్రమంలో ఆమె ముందస్తు బెయిల్ కోసం మధురై హైకోర్టును ఆశ్రయించగా.. న్యాయస్థానం కస్తూరి పిటిషన్‌ను కొట్టివేసింది. దీంతో పరారీలో ఉన్న కస్తూరి కోసం పోలీసులు ప్రత్యేక బృందాలతో గాలించగా.. హైదరాబాద్‌లో ఉన్నట్లు గుర్తించారు. దాంతో ఆమెను అరెస్ట్ చేసిన పోలీసులు ప్రస్తుతం చెన్నైకు తరలిస్తున్నారు.