Sreeleela : అల్లు అర్జున్ కి పుష్ప సినిమా తర్వాత మార్కెట్ రేంజ్ అమాంతం పెరిగిపోయింది. ఈ సినిమా భారీ హిట్ అవ్వడంతో అల్లు అర్జున్ ని బ్రాండ్ గా వాడుకునేందుకు కంపెనీలు ఎగబడుతున్నాయి. పుష్ప ముందు వరకు అప్పుడప్పుడు యాడ్స్ చేసిన బన్నీ ఆ తర్వాత వరుసగా యాడ్స్ చేస్తున్నాడు. ఇటీవల ఆహా, శ్రీ చైతన్య సంస్థలు, జొమోటో, ఆస్ట్రోల్ పైప్స్.. ఇలా వరుసగా చాలానే యాడ్స్ చేసి పాపులారిటీతో పాటు డబ్బులు కూడా బాగానే సంపాదిస్తున్నాడు.
ఇక యాడ్స్ లో కుర్ర హీరోయిన్స్ తో జత కడుతున్నాడు. ఆహా యాడ్ లో కేతిక శర్మతో, జొమాటో యాడ్ లో నేహా శెట్టితో జత కట్టగా తాజాగా మరో యాడ్ కోసం ఇంకో కుర్ర భామతో జత కట్టాడు. పెళ్లిసందD సినిమాతో తెలుగులో ఎంట్రీ ఇచ్చిన కన్నడ భామ శ్రీలీల వరుస అవకాశాలు సాధిస్తుంది. ఇప్పటికే శ్రీలీల చేతిలో దాదాపు 4 తెలుగు సినిమాలు ఉన్నాయి. తాజాగా అల్లు అర్జున్ తో యాడ్ లో నటించే ఛాన్స్ కొట్టేసింది.
త్రివిక్రమ్ డైరెక్షన్ లో బన్నీ, శ్రీలీల మీద ఒక యాడ్ ని చిత్రీకరించారు. అయితే ఆ యాడ్ ఏ కంపెనీకి చెందినది అని ఇంకా తెలియలేదు. యాడ్ షూట్ సమయంలో శ్రీలీల, బన్నీ, త్రివిక్రమ్ కలిసి దిగిన ఫోటో ఇప్పుడు సోషల్ మీడియాలో వైరల్ గా మారింది. సినిమా ఛాన్స్ బన్నీతో వస్తుందో రాదో గాని ఇలా యాడ్ లో మాత్రం అల్లు అర్జున్ తో నటించే అవకాశం వచ్చింది శ్రీలీలకి. దీంతో ఈ యువ హీరోయిన్ ఫుల్ ఆనందంలో ఉందంట.
