Pushpa : గత సంవత్సరం అల్లు అర్జున్ పుష్ప సినిమాతో వచ్చి భారీ హిట్ కొట్టాడు. బాలీవుడ్ లో కూడా ఈ సినిమా మంచి విజయం సాధించి బన్నీకి కలెక్షన్స్ తో పాటు పేరు కూడా తీసుకొచ్చింది. ఈ సినిమాతో బన్నీ పాన్ ఇండియా స్టార్ అయిపోయాడు. దేశమంతటా అల్లు అర్జున్ ఫ్యాన్ ఫాలోయింగ్ పెరిగిపోయింది. ఇక పుష్ప సాంగ్స్, మ్యానరిజమ్స్ ప్రపంచవ్యాప్తంగా పాపులర్ అయ్యాయి.
పుష్ప సినిమాకి ఇప్పటికే పలు అవార్డులు కూడా వచ్చాయి. విదేశాల్లోనూ పుష్పకి మంచి రెస్పాండ్ వచ్చింది. తాజాగా పుష్ప సినిమాని రష్యాలో రిలీజ్ చేస్తున్నట్టు సమాచారం. రష్యా రిలీజ్ కి అల్లు అర్జున్ కూడా అక్కడికి వెళ్లి ప్రమోషన్స్ కూడా చేయాలనుకుంటున్నాడు. ప్రస్తుతం రష్యాలో యుద్ధ వాతావరణ పరిస్థితులు ఉన్న సంగతి తెలిసిందే. ఇలాంటి సమయంలో బన్నీ పుష్ప సినిమాని రష్యాలో రిలీజ్ చేయాలనుకుని సాహసం చేస్తున్నాడా అని టాలీవుడ్ వర్గాలు అనుకుంటున్నాయి.
ఇక ఇప్పటికే పుష్ప 2 షూటింగ్ కి అంతా రెడీ చేస్తున్నాడు సుకుమార్. త్వరలోనే ఈ సినిమా సెట్స్ మీదకి వెళ్లనుంది. మరి రష్యాలో పుష్ప ఏ రేంజ్ లో ఆడుతుందో చూడాలి.
