Allu Arjun Theater : సినిమా వాళ్లంతా అక్కడ డబ్బులు సంపాదించి బయట బిజినెస్ లు మొదలుపెట్టడం కామన్. స్టార్ హీరోలు సైతం ఇదే పని చేస్తారు. ఇటీవల ఎక్కువగా స్టార్ హీరోలు సినిమా థియేటర్స్ బిజినెస్ లు చేస్తున్నారు. ఆసియన్ గ్రూప్ తో కలిసి పలువురు హీరోలు ఇప్పటికే థియేటర్స్ ఓపెన్ చేశారు. మహేష్ బాబు, విజయ్ దేవరకొండ మల్టీప్లెక్స్ థియేటర్స్ ఓపెన్ చేశారు.
ఈ లిస్ట్ లోకి ఇప్పుడు అల్లు అర్జున్ చేరబోతున్నాడు. హైదరాబాద్ సెంటర్లో మెయిన్ ఏరియా అమీర్‌పేట్ లో ఆసియన్ గ్రూప్ తో కలిసి AAA ఆసియన్ అల్లు అర్జున్ మల్టీప్లెక్స్ థియేటర్ కడుతున్నాడు. చాలా రోజుల నుంచి నిర్మాణంలో ఉన్న ఈ థియేటర్ ఇటీవలే పూర్తయింది. ప్రస్తుతం ఫినిషింగ్ వర్క్స్ నడుస్తున్నాయి. మాల్ నిర్మాణం కాకపోయినా థియేటర్ పూర్తయితే ఓపెన్ చేస్తారని సమాచారం.
త్వరలోనే AAA మల్టీప్లెక్స్ కి ఫైనల్ టచ్ ఇచ్చి బన్నీ చేతులతో ఓపెన్ చేయిస్తారట. బన్నీ కొత్త బిజినెస్ లో కూడా సక్సెస్ కొడతాడని అంటున్నారు. బన్నీ అభిమానులు అయితే ఈ థియేటర్ ఎప్పుడు ఓపెన్ చేస్తారా అందులో ఎప్పుడు సినిమా చూద్దామా అని వెయిట్ చేస్తున్నారు.
