యువ హీరో సందీప్ కిషన్‌ (Sundeep Kishan) హీరోగా, త్రినాథరావు నక్కిన దర్శకత్వంలో తెరకెక్కుతోన్న చిత్రం ‘మజాకా’ (Mazaka). ఈ సినిమాలో రీతూ వర్మ.. సందీప్ సరసన నటిస్తోంది. ఇక ‘మన్మథుడు’ ఫేమ్‌ అన్షు, రావు రమేశ్‌ తదితరులు కీలక పాత్రలు పోషిస్తున్నారు. ఈ చిత్రాన్ని ఎకె ఎంటర్టైన్మెంట్స్, హాస్య మూవీస్, జీ స్టూడియోస్ బ్యానర్స్ పై రాజేష్ దండా, ఉమేష్ కె ఆర్ బన్సాల్ నిర్మిస్తున్నారు.
సంక్రాంతి పండగను పురస్కరించుకుని చిత్ర బృందం విడుదల చేసిన టీజర్‌ ఆకట్టుకుంది. ఫుల్ కామెడీ ఎంటర్‌టైనర్‌గా తెరకెక్కుతున్న ఈ మూవీ ఫిబ్రవరి 21న విడుదల కానుంది. తాజాగా ఈ మూవీ నుంచి ‘బ్యాచిలర్స్'(Bachelor’s Anthem) అంటూ సాగే పాటను మేకర్స్ విడుదల చేశారు. ఈ పాటకు రామజోగయ్య శాస్త్రి సాహిత్యం అందించగా.. లియోన్ జేమ్స్ సంగీతం అందించారు. బ్యాచిలర్స్ మనసులోని మాటలను చాలా చక్కగా ఈ పాటలో వివరించారు.
