Bigg Boss 9 Telugu: బిగ్బాస్ సీజన్ 9 రెండో వారం నామినేషన్స్ వాడివేడిగా సాగుతున్నాయి. ముఖ్యంగా మాస్క్ మ్యాన్ హరీష్ వర్సెస్ హౌస్‌మేట్స్‌ అన్నట్లుగా ఈ ఎపిసోడ్‌ ఆసక్తి రేకెత్తిస్తోంది. ఈరోజు ఎపిసోడ్‌కు సంబంధించి విడుదలైన ప్రోమోలో సుమన్ శెట్టి తన కామెడీతో నవ్వులు పూయించగా.. ఇక హరీష్, ఇమ్మాన్యుయేల్ అరుచుకుంటూ ఒకరి పైకి మరొకరు వెళ్లారు. కానీ ఈసారి ప్రోమోలో సంజన, సుమన్ శెట్టి నామినేషన్స్ ప్రక్రియ నవ్వులు పూయించింది.
ప్రోమోలో ముందుగా సంజన తన ఫస్ట్ నామినేషన్ సుమన్ శెట్టిని చేసింది. నేను ఎవర్నీ పర్సనల్‌గా తొక్కలేదు అంటూ సంజన చెప్పింది. పెయింట్ రాయించుకోవడానికి వచ్చి రాయండి రాయండి అని సుమన్ శెట్టి అన్నాడు. రాయండి మేడమ్ టైమ్ వేస్ట్.. కాలు నొప్పెడుతుంది అంటే.. ఓపికతో ఉండండి అంటూ సంజన కౌంటరిచ్చింది. మీరు వస్తే రాయించుకుంటాను అంటూ తమ మాటలతో నవ్వులు పూయించాడు.
Also Read: https://teluguprabha.net/cinema-news/mega-star-chiranjeevi-appreciaties-kishkindhapuri-movie-team/
ఇక తర్వాత సుమన్ శెట్టి ప్రియను నామినేట్ చేయగా.. ఆ తర్వాత మనీష్‌ను నామినేట్ చేశాడు. నేను అడిగి డోర్ తీసుకుని వెళ్లిపోవట్లేదు బ్రో అంటూ సుమన్ శెట్టి చెప్పగా.. ఎవరెందుకు వస్తున్నారో బేసిక్ రీజన్ నాకు తెలియాలి అని మనీష్‌ అన్నాడు. మేమందరం దొంగలు కాదు కదా బాబాయ్ అని సుమన్ శెట్టి అనడంతో అందరూ తెగ నవ్వుకున్నారు.
ఇక తర్వాత భరణి ప్రియను నామినేట్ చేశాడు. తర్వాత ఇమ్మాన్యుయేల్ మనీష్‌ను నామినేట్ చేశాడు. రెండో నామినేషన్ హరీష్‌ను చేశాడు. గుండు అంకుల్ అనడం బాడీ షేమింగ్ అయితే రెడ్ ఫ్లవర్ అంటే ఏంటీ అని ఇమ్మాన్యుయేల్ సూటిగా అడిగాడు. నేను ఎక్కడ రెడ్ ఫ్లవర్ అనలేదు అంటూ హరీష్ బుకాయించాడు. అందరూ చూశారన్న అని ఇమ్మాన్యుయేల్ అనగా.. మిమ్మల్ని అనలేదు అంటూ రెచ్చిపోయాడు హరీష్.
నేను మిమ్మల్ని అనలేదని ఇమ్మాన్యుయేల్ అనగా.. లిమిట్స్‌లో ఉండాలి.. లిమిట్స్ దాటొద్దు.. అర్థమైందా అంటూ హరీష్ వేలు చూపించాడు. నా ఇష్టం అని ఇమ్యాన్యూయేల్ అంటున్నా హే హే అంటూ పిచ్చి పిచ్చిగా అరుస్తూ ఇమ్మూ మీద మీదకు వెళ్లాడు హరీష్. దీంతో సూపర్ మాస్క్ మ్యాన్ సూపర్ అంటూ ఇమ్మూ వెటకారంగా నవ్వాడు. దీంతో ఈ ఎపిసోడ్‌ హోరాహోరాగా సాగుతుందని ప్రేక్షకులు ఆసక్తితో ఎదురుచూస్తున్నారు.
