మరాఠా యోధుడు శివాజీ మహారాజ్ కుమారుడు శంభాజీ మహారాజ్ జీవితచరిత్ర ఆధారంగా బాలీవుడ్‌లో తెరకెక్కిన చిత్రం ‘ఛావా'(Chhaava). ఈ ఏడాది ఫిబ్రవరి నెలలో విడుదలైన ఈ చిత్రం విమర్శకుల ప్రశంసలతో పాటు ప్రేక్షకుల నుంచి భారీ రెస్పాన్స్ అందుకుంది. దీంతో ఈ మూవీ బాక్సాఫీస్ వద్ద కలెక్షన్ల సునామీ సృష్టిస్తోంది. లక్ష్మణ్ ఉటేకర్ దర్శకత్వంలో వచ్చిన ఈ చిత్రంలో విక్కీ కౌశల్ ఛత్రపతి శివాజీ తనయుడు ‘శంభాజీ మహరాజ్’ పాత్రలో జీవించాడు. ఇక నేషనల్ క్రష్ రష్మిక మందన్నా ఆయన భార్య పాత్రలో అలరించింది.
బాక్సాఫీస్ వద్ద కాసులవ‌ర్షం కురిపించింది. కేవ‌లం హిందీలోనే రూ.800 కోట్ల‌కు పైగా కలెక్షన్స్ కొల్ల‌గొట్ట‌డం విశేషం. ఈ సినిమాను మార్చి 7న గీతా ఆర్ట్స్ సంస్థ తెలుగులో విడుదల చేయ‌గా మంచి కలెక్షన్స్ రాబట్టింది. తాజాగా ఈ మూవీ ఓటీటీ స్ట్రీమింగ్ డేట్ ఫిక్స్ అయింది. ప్ర‌ముఖ ఓటీటీ ప్లాట్‌ఫామ్ నెట్‌ఫ్లిక్స్‌లో ఏప్రిల్‌ 11 నుంచి ఈ మూవీ స్ట్రీమింగ్ కాబోతోంది. ఈ మేర‌కు నెట్‌ఫ్లిక్స్ కొత్త పోస్ట‌ర్‌ను విడుదల చేసింది.
