బాలీవుడ్ స్టార్ హీరో విక్కీ కౌశల్(Vicky Kaushal), నేషనల్ క్రష్ రష్మిక మందన్నా(Rashmika) ప్రధాన పాత్రల్లో తెరకెక్కిన చిత్రం ‘ఛావా'(Chhaava). బాక్సాఫీస్ వద్ద కలెక్షన్ల వర్షం కురిపిస్తోన్న ఈ మూవీ తెలుగు డబ్బింగ్ వెర్షన్ రిలీజ్‌కు ముహుర్తం ఖరారైంది. ఈ సినిమా తెలుగు రైట్స్‌ను ప్రముఖ నిర్మాణ సంస్థ గీతా ఆర్ట్స్ దక్కించుకుంది. ఈమేరకు ఎక్స్ వేదికగా ట్వీట్ చేసింది. మార్చి 7న ‘ఛావా’ తెలుగు వెర్షన్ థియేటర్లలో ప్రేక్షకులకు అందుబాటులో ఉండనుందని ఎక్స్ వేదికగా పోస్ట్ చేసింది.
ఛత్రపతి శివాజీ మహారాజ్ కుమారుడు శంభాజీ మహారాజ్ జీవితాధారంగా రూపొందిన ఈ చిత్రంలో శంభాజీ మహారాజ్‌గా విక్కీ కౌశల్, ఆయన భార్య యేసుబాయి పాత్రలో రష్మిక నటించారు. ఈ సినిమాలో కీలకమైన ఔరంగజేబు పాత్రను అక్షయ్‌ ఖన్నా పోషించారు. ఫిబ్రవరి 14న విడుదలైన ఈ సినిమా సూపర్ హిట్ టాక్‌ను సొంతం చేసుకుంది. తెలుగు ప్రేక్షకులు కూడా ఈ సినిమాను హిందీ వెర్షన్‌లో చూసి భావోద్వేగానికి గురయ్యారు. దీంతో తెలుగులోనూ విడుదల చేయాలని డిమాండ్ చేశారు. ఎట్టకేలకు వారి కోరిక మార్చి 7 నుంచి నెరవేరనుంది.
