బాలీవుడ్ స్టార్ హీరో విక్కీ కౌశల్(Vicky Kaushal), నేషనల్ క్రష్ రష్మిక మందన్నా(Rashmika) ప్రధాన పాత్రల్లో తెరకెక్కిన చిత్రం ‘ఛావా'(Chhaava). బాక్సాఫీస్ వద్ద కలెక్షన్ల వర్షం కురిపిస్తోన్న ఈ మూవీ తెలుగు డబ్బింగ్ వెర్షన్ రైట్స్‌ను ప్రముఖ నిర్మాణ సంస్థ గీతా ఆర్ట్స్ దక్కించుకున్న సంగతి తెలిసిందే. మార్చి 7న ‘ఛావా’ తెలుగు వెర్షన్ థియేటర్లలో ప్రేక్షకులకు అందుబాటులో తీసుకురానున్నట్లు ఇప్పటికే ప్రకటించింది. తాజాగా ఈ మూవీ తెలుగు ట్రైలర్‌ను(Chhaava Telugu Trailer) మేకర్స్ విడుదల చేశారు. ఈ ట్రైలర్ గూస్ బంప్స్ తెప్పించేలా ఉంది.
ఛత్రపతి శివాజీ మహారాజ్‌ కుమారుడు శంభాజీ మహారాజ్‌ జీవితాధారంగా రూపొందిన ఈ చిత్రంలో శంభాజీ మహారాజ్‌గా విక్కీ కౌశల్, ఆయన భార్య యేసుబాయి పాత్రలో రష్మిక నటించారు. ఈ సినిమాలో కీలకమైన ఔరంగజేబు పాత్రను అక్షయ్‌ ఖన్నా పోషించారు. ఫిబ్రవరి 14న విడుదలైన ఈ సినిమా సూపర్ హిట్ టాక్‌ను సొంతం చేసుకుంది. తెలుగు ప్రేక్షకులు కూడా ఈ సినిమాను హిందీ వెర్షన్‌లో చూసి భావోద్వేగానికి గురయ్యారు. దీంతో తెలుగులోనూ విడుదల చేయాలని డిమాండ్ చేశారు. ఎట్టకేలకు వారి కోరిక మార్చి 7 నుంచి నెరవేరనుంది.
