Coolie : సూపర్‌స్టార్ రజనీకాంత్ నటించిన ‘కూలీ’ సినిమా బాక్సాఫీస్ వద్ద సంచలనం సృష్టించింది. గురువారం విడుదలైన ఈ చిత్రం తొలిరోజు ప్రపంచవ్యాప్తంగా రూ.151+ కోట్లు (గ్రాస్) వసూలు చేసి, అత్యధిక కలెక్షన్స్ రాబట్టిన తమిళ చిత్రంగా రికార్డు నెలకొల్పింది. దర్శకుడు లోకేశ్ కనగరాజ్ తెరకెక్కించిన ఈ సినిమా, నిర్మాణ సంస్థ సన్ పిక్చర్స్ సోషల్ మీడియా ద్వారా ఈ వివరాలను వెల్లడించింది.
ALSO READ: Viswant Duddumpudi Wedding: టాలీవుడ్ యువ హీరో విశ్వంత్‌ పెళ్లి పీటలెక్కిన క్షణాలు
ఇప్పటివరకు తొలిరోజు అత్యధిక వసూళ్ల రికార్డు ‘లియో’ (రూ.140 కోట్లు) పేరిట ఉండగా, ‘కూలీ’ దాన్ని అధిగమించింది. లోకేశ్ సినిమాటిక్ యూనివర్స్ (ఎల్‌సీయూ)కి చెందని చిత్రమైనప్పటికీ, రజనీకాంత్‌తో పాటు నాగార్జున, ఉపేంద్ర, ఆమిర్ ఖాన్ వంటి స్టార్ నటులు ఉండటంతో అంచనాలు ఆకాశాన్ని తాకాయి. ఈ ప్రభావం అడ్వాన్స్ బుకింగ్స్‌లో స్పష్టంగా కనిపించింది. ఓవర్సీస్‌లో ప్రీ-బుకింగ్స్‌లోనూ అత్యధిక కలెక్షన్స్‌తో ‘కూలీ’ మరో రికార్డు సృష్టించింది.
ఈ చిత్రం యాక్షన్, డ్రామాతో కూడిన కథాంశంతో ప్రేక్షకులను ఆకట్టుకుంది. అనిరుద్ రవిచందర్ సంగీతం, స్టైలిష్ యాక్షన్ సన్నివేశాలు సినిమాకు ప్రధాన ఆకర్షణగా నిలిచాయి. తమిళ సినిమా పరిశ్రమలో ‘కూలీ’ సాధించిన ఈ ఘనత రజనీకాంత్ బ్రాండ్‌కు, లోకేశ్ దర్శకత్వ ప్రతిభకు నిదర్శనం. రాబోయే రోజుల్లోనూ ఈ చిత్రం బాక్సాఫీస్ వద్ద జోరు కొనసాగించే అవకాశం ఉందని విశ్లేషకులు అంచనా వేస్తున్నారు.
