నటసింహం బాలకృష్ణ(Balakrishna) నటించిన ‘డాకు మహారాజ్‌’(Daaku Maharaaj)సినిమా బాక్సాఫీస్ వద్ద సూపర్ హిట్ అయిన సంగతి తెలిసిందే. సినిమాలో బాలయ్య డైలాగ్స్, యాక్షన్ సీక్వెన్స్, థమన్ బీజీఎం గూస్ బంప్స్ తెప్పించాయి. సరికొత్త అవ‌తారంలో బాల‌య్య క‌నిపించ‌డంతో ప్రేక్ష‌కులు ఈ చిత్రానికి బ్ర‌హ్మ‌ర‌థం ప‌ట్టారు. రూ.170కోట్లకు పైగా వసూళ్లు రాబట్టి బాలయ్య కెరీర్‌లో అత్యధిక కలెక్షన్స్ వసూలు చేసిన చిత్రంగా నిలిచింది. ఈ చిత్రంతో వరుసగా నాలుగు రూ.100కోట్ల మూవీలు రాబట్టిన సీనియర్‌ హీరోగా బాలయ్య రికార్డు సృష్టించారు. అంతకుముందు అఖండ, వీరసింహా రెడ్డి, భగవంత్ కేసరి సినిమాలు రూ.100 కోట్లకు పైగా వసూళ్లు చేశాయి.

థియేటర్స్‌లో ప్రేక్షకులను మెప్పించిన ‘డాకు మహారాజ్’ సినిమా ఇప్పుడు ఓటీటీ ప్రేక్షకులను అలరించేందుకు సిద్ధమైంది. ఫిబ్రవరి 21 నుంచి స్ట్రీమింగ్ చేయనున్నట్లు నెట్ ఫ్లిక్స్ సంస్థ అధికారికంగా ప్రకటించింది. ఇక బాలయ్య సినిమాల విషయానికొస్తే ప్రస్తుతం ‘అఖండ 2’ సినిమాతో బిజీగా ఉన్నారు. ఆ తర్వాత గోపిచంద్ మలినేని దర్శకత్వంలో నటించేందుకు రెడీ అయ్యారు.