Dhanush-Sekhar Kammula : కరోనా తర్వాత తెలుగు సినిమాలు దేశవ్యాప్తంగా సంచలనాలు సృష్టిస్తున్న సంగతి తెలిసిందే. దీంతో బాలీవుడ్ వాళ్ళతో పాటు మిగిలిన సినీ పరిశ్రమల హీరోలు కూడా తెలుగులో సినిమాలు రిలీజ్ చేయడానికి, తెలుగు డైరెక్టర్స్ తో సినిమాలు చేయడానికి ఆసక్తి చూపిస్తున్నారు. ముఖ్యంగా తమిళ హీరోలు తెలుగు డైరెక్టర్స్ తో సినిమాలు చేయడానికి క్యూ కడుతున్నారు.
ఇప్పటికే శివ కార్తికేయన్ అనుదీప్ తో సినిమా చేశాడు. విజయ్ వంశీ పైడిపల్లితో సినిమా చేస్తున్నాడు. ధనుష్ వెంకీ అట్లూరితో సినిమా చేస్తున్నాడు. ఇప్పుడు ధనుష్ మరో తెలుగు డైరెక్టర్ తో సినిమా మొదలుపెట్టాడు. ప్రస్తుతం తమిళ్ స్టార్ హీరో ధనుష్ తెలుగులో డైరెక్టర్ వెంకీ అట్లూరితో ‘సర్’ సినిమా చేస్తున్నారు. షూటింగ్ పూర్తయిన ఈ సినిమా పోస్ట్ ప్రొడక్షన్ వర్క్స్ లో ఉంది.
తాజాగా ధనుష్ హీరోగా తెలుగులో సూపర్ క్లాస్ సినిమాలు అందించే దర్శకుడు శేఖర్ కమ్ముల దర్శకత్వంలో సినిమాని చేస్తున్నాడు. నేడు ఈ సినిమా పూజా కార్యక్రమాలు జరిగాయి. ఈ సినిమాని శ్రీ వెంకటేశ్వర సినిమాస్ LLP బ్యానర్ పై ఆసియన్ సునీల్ నిర్మిస్తున్నారు. త్వరలోనే ఈ సినిమా రెగ్యులర్ షూటింగ్ కి వెళ్లనుంది. క్లాస్ సినిమాలు తీసే శేఖర్ కమ్ముల ఎక్కువగా మాస్ సినిమాలు తీసే తమిళ్ స్టార్ ధనుష్ తో జతకట్టడంతో ఈ కాంబినేషన్ పై తెలుగు, తమిళ్ ఆడియన్స్ ఆసక్తిగా ఎదురు చూస్తున్నారు. బైలింగ్వల్ గా తెరకెక్కుతున్న ఈ సినిమా తెలుగు, తమిళ్ లో రిలీజ్ అవుతుంది.
