దర్శకేంద్రుడు రాఘవేంద్రరావు చేతుల మీదుగా ఈ నెల 7న రిలీజ్ కానున్న “ధూం ధాం” సినిమా ఫోర్త్ సింగిల్ ‘కుందనాల బొమ్మ..’ లిరికల్ సాంగ్
చేతన్ కృష్ణ, హెబ్బా పటేల్ హీరో హీరోయిన్లుగా నటిస్తున్న సినిమా “ధూం ధాం”. సాయి కుమార్, వెన్నెల కిషోర్, పృథ్వీరాజ్, గోపరాజు రమణ ఇతర కీలక పాత్రలు పోషిస్తున్నారు. ఈ చిత్రాన్ని ఫ్రైడే ఫ్రేమ్ వర్క్స్ బ్యానర్ పై ఎంఎస్ రామ్ కుమార్ నిర్మిస్తున్నారు. “ధూం ధాం” సినిమాను లవ్, ఫ్యామిలీ ఎంటర్ టైనర్ గా దర్శకుడు సాయి కిషోర్ మచ్చా రూపొందిస్తున్నారు. గోపీ మోహన్ స్టోరీ స్క్రీన్ ప్లే అందిస్తున్నారు. ఈ సినిమా వచ్చే నెలలో గ్రాండ్ థియేట్రికల్ రిలీజ్ కు రెడీ అవుతోంది.
“ధూం ధాం” సినిమా మ్యూజికల్ ప్రమోషన్స్ జోష్ ఫుల్ గా సాగుతున్నాయి. ఇప్పటికే ఈ సినిమా నుంచి రిలీజ్ చేసిన ‘మల్లెపూల టాక్సీ..’, ‘మాయా సుందరి..’, ‘టమాటో బుగ్గల పిల్ల..’ పాటలు పాట ఛాట్ బస్టర్స్ అయ్యాయి. సినిమా మ్యూజికల్ సూపర్ హిట్ అవుతుందనే క్రేజ్ ను ఈ సాంగ్స్ క్రియేట్ చేస్తున్నాయి. ఈ జోరును కొనసాగిస్తూ “ధూం ధాం” సినిమా ఫోర్త్ సింగిల్ ‘కుందనాల బొమ్మ..’ రిలీజ్ కు రెడీ అవుతోంది. ఈ లిరికల్ సాంగ్ ను ఈ నెల 7వ తేదీన ఉదయం 10.45 నిమిషాలకు దర్శకేంద్రుడు రాఘవేంద్రరావు విడుదల చేయబోతున్నారు. గోపీ సుందర్ మ్యూజిక్ చేస్తున్న “ధూం ధాం” సినిమా ఆల్బమ్ లో ‘కుందనాల బొమ్మ..’ మరో హిట్ సాంగ్ కాబోతోంది.