యువ హీరో కిరణ్‌ అబ్బవరం(Kiran Abbavaram) హీరోగా నటించిన ‘క'(KA Movie) మూవీ సూపర్ హిట్ అయిన సంగతి తెలిసిందే. రూ.50 కోట్ల‌కు పైగా వ‌సూళ్ల‌ను రాబ‌ట్టింది. దీంతో కిరణ్ తర్వాతి సినిమాలపై ప్రేక్షకుల్లో ఆసక్తి నెలకొంది. తన 10వ చిత్రంగా ‘దిల్ రూబా'(Dilruba Teaser)అనే చిత్రంలో నటించాడు. ఈ సినిమాకి విశ్వ క‌రుణ్ ద‌ర్శ‌క‌త్వం వహిస్తుండ‌గా.. ర‌వి, జోజో, జోస్, రాకేష్ రెడ్డి నిర్మిస్తున్నారు.

తాజాగా ఈ మూవీ నుంచి ‘కన్నా నీ..’ లిరికల్ వీడియోను విడుదల చేశారు. సామ్ సీఎస్ అద్భుతమైన ట్యూన్‌తో ఈ పాటను కంపోజ్ చేశారు. విశ్వ కరుణ్, భాస్కరభట్ల సాహిత్యం అందించగా.. సత్య ప్రకాష్, మాళవిక సుందర్ ఆలపించారు. అద్భుతమైన లిరిక్స్‌తో ఈ పాట మనసును హత్తుకుంటోంది.

ఈ మూవీలో కిరణ్ సరసన రుక్సర్ థిల్లాన్ హీరోయిన్‌గా నటిస్తోంది. తదితరులు ముఖ్య పాత్రలలో నటిస్తున్నారు. ఇక సినిమాటోగ్రఫీగా డానియేల్ విశ్వాస్, ఎడిటర్‌గా ప్రవీణ్.కేఎల్, ప్రొడక్షన్ డిజైనర్‌ సుధీర్ పని చేస్తున్నారు. హోలీ పండుగ సందర్భంగా మార్చి 14న ప్రపంచవ్యాప్తంగా విడుదల కానుంది.