DRISHYAM 3: అజయ్ దేవ్‌గణ్ నటిస్తోన్న ‘దృశ్యం 3’ టీజర్ అక్టోబర్ 2న విడుదల కావాల్సి ఉంది. మొదటి సినిమాకు, ఈ తేదీకి ఒక ప్రత్యేకమైన సంబంధం ఉంది. అయితే, నివేదికల ప్రకారం, ఒరిజినల్ మలయాళ చిత్ర బృందం అనుమతి లేకుండా ఎలాంటి ప్రకటనలు చేయకూడదనే అడాప్టేషన్ ఒప్పందం కారణంగా టీజర్ విడుదల వాయిదా పడింది. ఒరిజినల్ ‘దృశ్యం’ చిత్రాన్ని జీతూ జోసెఫ్ దర్శకత్వం వహించగా, ఆంటోనీ పెరుంబావూర్ నిర్మించారు.
టీజర్ వాయిదా ఎందుకు జరుగుతోంది?
బాలీవుడ్ వర్గాల సమాచారం ప్రకారం, “మలయాళ ఫ్రాంచైజీ దర్శక నిర్మాతలైన జీతూ, ఆంటోనీ, హిందీ రీమేక్ నిర్మాత కుమార్ మంగట్ మధ్య ఒక అవగాహన ఉంది. అడాప్టేషన్ షరతులలో ఒకటి, హిందీ బృందం ఒరిజినల్ చిత్ర నిర్మాతల అనుమతి లేకుండా వారి సినిమా కంటెంట్ గురించి ఎలాంటి ప్రకటనా చేయకూడదని పేర్కొంది.” టీజర్ వాయిదా వెనుక బ్యాక్‌గ్రౌండ్ మ్యూజిక్‌ సకాలంలో పూర్తి కాకపోవడాన్ని కారణంగా చెప్పినప్పటికీ, నిజానికి ఈ షరతు కారణంగానే జరిగింది.
ALSO READ: https://teluguprabha.net/cinema-news/mass-jathara-hudio-hudio-song-review/
కుమార్ నిర్ణయంపై ఒరిజినల్ మూవీ బృందం అసంతృప్తి
హిందీ వెర్షన్ విడుదల తేదీ ప్రకటన పెరుంబావూర్, జోసెఫ్‌లకు సంతోషం కలిగించలేదని సమాచారం. ఒరిజినల్ ప్లాన్ ప్రకారం, మలయాళం, హిందీ, తెలుగు వెర్షన్‌లు మూడూ జీతూ జోసెఫ్ దర్శకత్వంలో అక్టోబర్ 2, 2026న ఏకకాలంలో విడుదల కావాల్సి ఉంది. అయితే, దేవ్‌గణ్ నటిస్తోన్న హిందీ వెర్షన్ సోలోగా ఆ తేదీని ప్రకటించడంతో ఈ ప్లాన్ మారిపోయింది. అంతేకాకుండా, కుమార్ మంగట్ తన కుమారుడు అభిషేక్‌ను హిందీ వెర్షన్‌కు దర్శకుడిగా నియమించాలని నిర్ణయించారు.
ALSO READ: https://teluguprabha.net/cinema-news/pooja-hegde-remuneration-for-telugu-re-enty-movie/
‘దృశ్యం 3’ గురించి మనకు తెలిసిన విషయాలు
షెడ్యూలింగ్ గొడవ ఉన్నప్పటికీ, హిందీ వెర్షన్ ‘దృశ్యం 3’ షూటింగ్ డిసెంబర్‌లో ప్రారంభం కానుంది. ఈ చిత్రానికి అభిషేక్ పాఠక్ దర్శకత్వం వహిస్తారు. ఇదిలా ఉండగా, మలయాళ వెర్షన్ షూటింగ్ ఇప్పటికే సెప్టెంబర్ 22 నుండి మోహన్‌లాల్‌తో ప్రారంభమైంది. తాజాగా చోటు చేసుకున్న పరిణామాలపై ఒరిజీన్ల్ చిత్ర బృందం ఇంకా ఎలాంటి స్పందన ఇవ్వలేదు.
