Dharma Mahesh dispute turns intense: ప్రముఖ సోషల్ మీడియా ఇన్‌ఫ్లుయెన్సర్‌గా పేరుపొందిన గౌతమి చౌదరి, ఆమె భర్త మరియు సినీ నటుడు ధర్మ మహేష్ మధ్య కొనసాగుతున్న వ్యక్తిగత వివాదం తాజాగా మరింత తీవ్రరూపం దాల్చింది. ఈ దంపతుల మధ్య నెలలుగా సాగుతున్న విభేదాలు ఇప్పుడు పోలీస్ కేసుల దాకా చేరాయి.
మీడియా ముందు..
తెలుసుకున్న వివరాల ప్రకారం, ఇటీవల కూకట్‌పల్లి పోలీస్ స్టేషన్‌లో గౌతమిపై అధికారిక కేసు నమోదు అయింది. ధర్మ మహేష్ ఇచ్చిన ఫిర్యాదులో, గౌతమి తన వ్యక్తిగత విషయాలను మీడియా ముందు ఉంచుతానని బెదిరించిందని, తన ఫోన్ ట్యాప్ చేయించిందని పేర్కొన్నారు. అలాగే ఈ వివాదాన్ని పరిష్కరించేందుకు తనవద్ద నుండి భారీ మొత్తాన్ని డిమాండ్ చేస్తూ బ్లాక్‌మెయిల్ చేశారని కూడా ధర్మ మహేష్ ఆరోపించారు.
Also Read: https://teluguprabha.net/devotional-news/vastu-experts-warn-against-keeping-these-items-in-bathroom/
తనపై ఫేక్ కేసు పెట్టారని..
ఈ ఆరోపణలపై గౌతమి చౌదరి కఠినంగా స్పందించారు. తనపై కేసు నమోదయిన విషయాన్ని అంగీకరించిన ఆమె, కానీ ఆరోపణలు పూర్తిగా తప్పుడు అని పేర్కొన్నారు. ఎలాంటి సాక్ష్యాలు లేకుండా తనపై ఫేక్ కేసు పెట్టారని ఆమె స్పష్టం చేశారు. తాను ఎప్పుడూ ఫోన్ ట్యాపింగ్ చేయలేదని, భర్తతో కలిసి ఒక న్యాయవాది కావాలనే ఉద్దేశంతో ఈ కేసు సృష్టించారని ఆరోపించారు.
ఎప్పుడూ ఒంటరిగానే..
గౌతమి మాట్లాడుతూ, తనపై లేని ఆరోపణలు చేస్తూ ఒక వర్గం తన ప్రతిష్ఠను దెబ్బతీయడానికి ప్రయత్నిస్తోందని చెప్పారు. తాను ఎప్పుడూ ఒంటరిగానే పోరాడానని, ఇప్పటికీ అలాగే కొనసాగిస్తానని పేర్కొన్నారు. రూ. 10 కోట్లు డిమాండ్ చేశానన్న మాటల్లో ఎలాంటి నిజం లేదని ఆమె ఖండించారు.
తనపై జరుగుతున్న ప్రతీ తప్పుడు ప్రచారానికి, వ్యక్తిగత అవమానాలకు న్యాయపరంగా సమాధానం ఇస్తానని గౌతమి తెలిపారు. తనను సోషల్ మీడియాలో లేదా మీడియాలో తప్పుగా చూపించే వారిపై కూడా చట్టపరమైన చర్యలు తీసుకుంటానని ప్రకటించారు.
బిగ్‌బాస్ కంటెస్టెంట్ రీతూ చౌదరితో..
ఈ వివాదం ఒకపక్క పెరుగుతుండగా, గౌతమి తాజాగా కొత్త వీడియోలు, చాటింగ్ స్క్రీన్‌షాట్‌లను విడుదల చేశారు. వాటిలో ధర్మ మహేష్ బిగ్‌బాస్ కంటెస్టెంట్ రీతూ చౌదరితో సహా మరికొంతమంది మహిళలతో సన్నిహితంగా ఉన్నారనే వివరాలను బయటపెట్టారు. ఇవి బయటకు రావడంతో ఈ వివాదం మరింత ఉత్కంఠకు దారి తీసింది.
దీనికి ధర్మ మహేష్ కూడా గౌతమిపై వ్యక్తిగత ఆరోపణలు చేశారు. ఆమెకు చెడు అలవాట్లు ఉన్నాయని, పెళ్లికి ముందు గర్భవతిగా మారి గర్భస్రావం చేసుకుందని, ఇంకా ఇతర పురుషులతో సంబంధాలు కొనసాగిస్తున్నారని ఆయన పేర్కొన్నారు. ఈ వ్యాఖ్యలు మీడియా, సోషల్ మీడియాలో పెద్ద చర్చకు దారితీశాయి.
కస్టడీ విషయంలో..
ఇద్దరి మధ్య కొనసాగుతున్న ఈ వ్యక్తిగత పోరాటం క్రమంగా చట్టపరమైన మార్గంలోకి వెళ్లిపోతోంది. ఇరువురికి కుమారుడు ఉన్న విషయం తెలిసిందే. ఆ చిన్నారి కస్టడీ విషయంలో కూడా పెద్ద వివాదం నడుస్తోంది. తల్లి వద్దా, తండ్రి వద్దా పిల్లవాడు ఉండాలన్నదే ఇప్పుడు ఈ దంపతుల మధ్య కొత్త సమస్యగా మారింది.
ఇన్‌ఫ్లుయెన్సర్ గౌతమి, నటుడు ధర్మ మహేష్ వివాదం మొదట సోషల్ మీడియా పోస్టుల ద్వారానే బయటకు వచ్చింది. తరువాత ఇద్దరూ పరస్పరం పబ్లిక్‌గా చేసిన ఆరోపణలు ఈ వ్యవహారాన్ని మరింత క్లిష్టం చేశాయి. గౌతమి తరపున ఆమె స్నేహితులు, అభిమానులు మద్దతు తెలుపుతుండగా, మహేష్ పక్షం నుంచి కూడా కొంతమంది ఆయనకు తోడుగా నిలుస్తున్నారు.
