పవర్ స్టార్ పవన్ కళ్యాణ్(Pawan Kalyan) ప్రస్తుతం ఆయన కమిట్ అయిన సినిమాలను పూర్తి చేసేందుకు కసరత్తు చేస్తున్నారు. ఈ క్రమంలోనే ముందుగా ‘హరిహర వీరమల్లు'(Hari hara Veera mallu) సినిమాను కంప్లీట్ చేసే పనిలో ఉన్నారు. ఈ మూవీ మేజర్ పార్ట్‌ని ఇప్పటికే ప్రముఖ దర్శకుడు క్రిష్ జాగర్లమూడి దర్శకత్వం వహించగా.. కొన్ని అనివార్య కారణాల వల్ల ఆయన దర్శకత్వం నుంచి తప్పించుకున్నారు. దీంతో నిర్మాత ఏఎం రత్నం కుమారుడు జ్యోతికృష్ణ మిగిలిన సన్నివేశాలను తెరకెక్కిస్తున్నారు. పవన్ కెరీర్‌లోనే తొలి పాన్ ఇండియా సినిమా కావడంతో దీనిపై ప్రేక్షకుల్లో భారీ అంచనాలు నెలకొన్నాయి.
సంక్రాంతి పండుగ సందర్భంగా మూవీలోని ‘మాట వినాలి’ పాట ప్రోమోను మేకర్స్ విడుదల చేశారు. ‘వినాలి.. వీర మ‌ల్లు మాట చెబితే వినాలి.’ అని పవన్ చెప్పిన డైలాగ్ ఆకట్టుకుంటుంది. ఈ పాటను పవన్ కళ్యాణ్ పాడటం విశేషం. పూర్తి పాటను జ‌న‌వ‌రి 17న ఉద‌యం 10 గంట‌ల 20 నిమిషాల‌కు విడుదల చేయ‌నున్న‌ట్లు చిత్ర బృందం తెలిపింది. కాగా ‘హరిహర వీరమల్లు-1 ది స్వార్డ్ వ‌ర్సెస్ స్పిరిట్’ ఈ ఏడాది మార్చి 28న ప్ర‌పంచ వ్యాప్తంగా ప్రేక్ష‌కుల ముందుకు రానుంది.
