నేచురల్ స్టార్ నాని(Nani) వరుస సినిమాలతో ప్రేక్షకులను అలరిస్తూనే ఉంటాడు. గతేడాది ‘సరిపోదా శనివారం’ మూవీతో పలకరించిన నాని.. ఇప్పుడు ‘హిట్‌ 3′(Hit 3)తో ప్రేక్షకులను భయపెట్టడానికి సిద్ధమయ్యాడు. ‘హిట్‌’ యూనివర్స్‌లో భాగంగా రూపొందుతోన్న ‘హిట్‌3: ది థర్డ్‌ కేస్‌’. శైలేశ్‌ కొలను దర్శకత్వంలో తెరకెక్కుతున్న ఈ సినిమాలో నాని పవర్‌ ఫుల్‌ పోలీస్‌ అధికారి పాత్రలో కనిపించనున్నారు. ఇటీవల విడుదలైన టీజర్, పాటలు సినిమాలపై అంచనాలు పెంచేశాయి.
తాజాగా మూవీ యూనిట్ ట్రైల‌ర్‌ను(HIT 3 Trailer) విడుదల చేసింది. వరుస హత్యలు.. అర్జున్‌ వాటిని ఎలా చేధించాడు అనే కోణంలో ఈ సినిమా సాగనుందనేది తెలుస్తోంది. అర్జున్‌ సర్కార్‌గా నాని సంభాషణలు, నటన ఆకట్టుకునేలా ఉన్నాయి. శ్రీనిధి శెట్టి క‌థానాయిక‌గా న‌టిస్తోండ‌గా. మిక్కీ జే మేయ‌ర్ సంగీతాన్ని అందిస్తున్నారు. నాని హోం బ్యానర్‌ వాల్‌పోస్టర్‌ సినిమా, యునానిమస్‌ ప్రొడక్షన్స్ పై ప్రశాంతి త్రిపురనేని నిర్మిస్తున్న ఈ చిత్రం వేసవి కానుకగా మే 1న విడుదల కానుంది.
