సాయిపల్లవి, రణబీర్ కపూర్ సీతారాములుగా నటిస్తున్న రామాయణ సినిమాలో రావణుడిగా కన్నడ సూపర్ స్టార్ యష్ నటిస్తున్నారు. లేటెస్ట్ గా యష్ షూటింగ్ లో పాల్గొన్నారు. నితీష్ తివారీ డైరక్షన్ లో వస్తున్న రామాయణం సినిమా అందరి దృష్టిని ఆకర్షిస్తుండగా ఈ సినిమాతో డైరెక్ట్ గా బాలీవుడ్ లోకి ఎంట్రీ ఇస్తున్నారు సాయి పల్లవి.
ప్రొడ్యూసర్ యష్
రామాయణంలో నటించటమే కాదు ఈ ప్యాన్ ఇండియా సినిమాకు ప్రొడ్యూసర్ గా కూడా యష్ తెరవెనుక కీలక పాత్ర పోషిస్తున్నారు. రామాయణ పార్ట్-1 ముంబైలో షూటింగ్ జరుపుకుంటోంది. నిజమైన బంగారంతో తయారు చేసిన స్పెషల్ కాస్ట్యూమ్స్ ను రావణుడి పాత్రధారి అయిన యష్ ధరిస్తుండటం విశేషం.
దీపావళికి రిలీజ్
దీపావళి 2026కి రామాయణ పార్ట్ 1 రిలీజ్ కానుండగా 2027 దీపావళి కానుకగా రామాయణ పార్ట్ 2 రిలీజ్ అయ్యేలా సినిమా షూటింగ్ పనులు జరుపుకుంటోంది. లారా దత్తా, సన్నీ డియోల్, ఇందిరా క్రిష్ణా వంటివారు రామాయణ సినిమాలో కీలక పాత్రలు పోషిస్తున్నారు.
