నేచురల్ స్టార్ నాని(Nani) హీరోగా శైలేశ్‌ కొలను దర్శకత్వంలో తెరకెక్కిన యాక్షన్ థ్రిల్లర్‌ ‘హిట్ 3’(Hit 3) మూవీ మే 1న విడుదలైంది. ‘హిట్’ ఫ్రాంఛైజీలో భాగంగా వచ్చిన ఈ చిత్రంలో అర్జున్‌ సర్కార్‌ పాత్రలో నాని రెచ్చిపోయాడు. సాఫ్ట్‌గా కనిపిస్తూనే వైలెంట్‌గా నటించాడు. దీంతో తొలి ఆట నుంచే పాజిటివ్ టాక్ తెచ్చుకున్న ఈ మూవీ బాక్సాఫీస్ వద్ద అదరగొడుతోంది. తొలి రోజే రూ.43 కోట్ల గ్రాస్ వ‌సూళ్ల‌ను రాబ‌ట్టి నాని కెరీర్‌లోనే బిగ్గెస్ట్ ఓపెనింగ్‌గా నిలిచింది.
తాజాగా రూ.100 కోట్ల క్లబ్‌లోకి చేరింది. నాలుగు రోజుల్లో రూ.101 కోట్లు వసూళ్లు చేసినట్లు మూవీ యూనిట్ ప్రకటించింది. ఈమేరకు ఓ పోస్టర్ విడుదల చేసింది. ఇక అమెరికాలో కూడా 2 మిలియన్ డాలర్స్ కలెక్షన్స్ దాటేసింది. కాగా నాని గతంలో నటించిన దసరా, సరిపోదా శనివారం మూవీలు కూడా రూ.100 కోట్లు వసూళ్లు చేసిన సంగతి తెలిసిందే. కాగా ప్రస్తుతం నాని ‘దసరా’ దర్శకుడు శ్రీకాంత్ ఓదెల దర్శకత్వంలో ‘ది ప్యారడైజ్’ చిత్రంలో నటిస్తున్నాడు.
