OG Pre-Release Traffic Restrictions Hyderabad : హైదరాబాద్‌లో ఈరోజు సాయంత్రం పవన్ కళ్యాణ్ హీరోగా నటించిన ‘ఓజీ’ సినిమా ప్రీ-రిలీజ్ ఈవెంట్ ఎల్బీ స్టేడియంలో జరుగుతోంది. ఈ కార్యక్రమానికి లక్షలాది అభిమానులు హాజరయ్యే అవకాశం ఉంది. దీంతో ట్రాఫిక్ పోలీసులు ముందుగానే అడ్వైజరీ జారీ చేశారు. సాయంత్రం 4 గంటల నుంచి రాత్రి 10:30 గంటల వరకు స్టేడియం చుట్టుపక్కల భారీ రద్దీ ఉంటుందని, అవసరమైతే వాహనాలు దారి మళ్లించే ప్లాన్‌లో ఉన్నారు.

పవన్ కళ్యాణ్ ‘ఓజీ’లో గ్యాంగ్‌స్టర్ పాత్రలో కనిపించారు. సుజీత్ డైరెక్షన్‌లో డీవీవీ ఎంటర్‌టైన్‌మెంట్ ప్రొడక్షన్. ఎమ్రాన్ హష్మీ తెలుగు డెబ్యూ, ప్రియాంకా మోహన్ హీరోయిన్. సెప్టెంబర్ 25న సినిమా రిలీజ్ కానుంది. ఈవెంట్‌లో థామన్ లైవ్ కాన్సర్ట్, ట్రైలర్ లాంచ్ ఉన్నాయి. మేకర్స్ “40,000 మంది అభిమానులు ‘ఓజీ’ అంటూ అరుస్తారు” అని ప్రకటించారు. ట్రైలర్ రిలీజ్ కొంచెం ఆలస్యమైంది, కానీ ఈవెంట్ గ్రాండ్‌గా జరుగుతోంది.

ALSO READ : Kotha Lokah OTT Release: ఓటీటీకి ‘కొత్త లోక’.. దుల్కర్‌ పోస్ట్‌తో క్లారిటీ

ట్రాఫిక్ పోలీసులు సూచించిన మార్గాలు :

ఏఆర్ పెట్రోల్ పంప్ (పబ్లిక్ గార్డెన్స్) నుంచి బీజేఆర్ విగ్రహం వైపు వాహనాలు వెళ్లకూడదు. బదులుగా నాంపల్లి మార్గం ఉపయోగించండి. బషీర్‌బాగ్ నుంచి వచ్చే వాహనాలు ఏఆర్ పెట్రోల్ పంప్ వైపు మళ్లించబడతాయి. వాటిని బీజేఆర్ విగ్రహం నుంచి ఎస్‌బీఐ, అబిడ్స్, నాంపల్లి స్టేషన్ రోడ్ మీదుగా దారి చేస్తారు. సుజాత స్కూల్ లేన్ నుంచి ఖాన్ లతీఫ్ ఖాన్ బిల్డింగ్ వైపు వెళ్లకూడదు. దానికి బదులు సుజాత స్కూల్ జంక్షన్ నుంచి నాంపల్లి వైపు మళ్లించుతారు.

ఈ ప్రాంతాలు మానండి :

రవీంద్ర భారతి, హైదరాబాద్ ట్రాఫిక్ పోలీస్ జంక్షన్, బషీర్‌బాగ్, బీజేఆర్ స్టాచ్యూ సర్కిల్, ఎస్‌బీఐ గన్ ఫౌండ్రీ, ఏఆర్ పెట్రోల్ పంప్, కేఎల్‌కే బిల్డింగ్ చుట్టూ. ఈ ఈవెంట్‌తో సిటీ సెంట్రల్ ప్రాంతాల్లో రద్దీ తప్పదని పోలీసులు హెల్ప్‌లైన్ 9010203626 మీద సంప్రదించమని చెప్పారు. సోషల్ మీడియాలో అప్‌డేట్స్ చూసి ప్లాన్ చేయండి. అభిమానులు ఉత్సాహంగా ఉన్నా, వాహనదారులు ముందుగానే మార్గాలు మార్చుకోవాలి.