పవర్ స్టార్ పవన్ కళ్యాణ్(Pawan Kalyan) ప్రస్తుతం ‘హరిహర వీరమల్లు'(Hari hara Veera mallu) సినిమాను కంప్లీట్ చేసే పనిలో ఉన్నారు. ఈ మూవీ మేజర్ పార్ట్‌ని ఇప్పటికే ప్రముఖ దర్శకుడు క్రిష్ జాగర్లమూడి దర్శకత్వం వహించగా.. కొన్ని అనివార్య కారణాల వల్ల ఆయన దర్శకత్వం నుంచి తప్పించుకున్నారు. దీంతో నిర్మాత ఏఎం రత్నం కుమారుడు జ్యోతికృష్ణ మిగిలిన సన్నివేశాలను తెరకెక్కిస్తున్నారు. పవన్ కెరీర్‌లోనే తొలి పాన్ ఇండియా సినిమా కావడంతో దీనిపై ప్రేక్షకుల్లో భారీ అంచనాలు నెలకొన్నాయి.
ఇప్పటికే ఈ చిత్రంలోని ‘మాట వినాలి'(Maata Vinali) సాంగ్‌ను చిత్ర బృందం విడుదల చేయగా.. ప్రేక్షకుల నుంచి మంచి రెస్పాన్స్ వచ్చింది. తాజాగా ఈ మూవీలో కీలక పాత్ర పోషిస్తున్న బాలీవుడ్ నటుడు బాబీ డియోల్(Boby Deol) పుట్టినరోజు సందర్భంగా ఫస్ట్ లుక్ పోస్టర్ విడుదల చేశారు. ఈ పోస్టర్‌లో బాబీ కత్తి పట్టుకుని మహారాజ్ పాత్రలో ఒదిగిపోయాడు. ఇక ఈ చిత్రానికి ఆస్కార్ అవార్డు గ్రహీత ఎంఎం కీర‌వాణి సంగీతం అందిస్తుండగా.. సూర్య మూవీస్ బ్యానర్‌పై భారీ బడ్జెట్‌తో ఏఎం రత్నం నిర్మిస్తున్నారు. ఇక నిధి అగ‌ర్వాల్ క‌థానాయిక‌గా న‌టిస్తోంది. కాగా ‘హరిహర వీరమల్లు-1 ది స్వార్డ్ వ‌ర్సెస్ స్పిరిట్’ ఈ ఏడాది మార్చి 28న ప్ర‌పంచ వ్యాప్తంగా ప్రేక్షకుల ముందుకు రానుంది.
