యువ హీరో కిరణ్‌ అబ్బవరం(Kiran Abbavaram) హీరోగా నటించిన ‘క'(KA Movie) మూవీ దీపావళి పండుగ కానుకగా విడుదలై సూపర్ హిట్ అయిన సంగతి తెలిసిందే. రూ.50 కోట్ల‌కు పైగా వ‌సూళ్ల‌ను రాబ‌ట్టింది. దీంతో కిరణ్ తర్వాతి సినిమాలపై ప్రేక్షకుల్లో ఆసక్తి నెలకొంది. తాజాగా ఆయన ‘దిల్ రూబా'(Dilruba Teaser)అనే చిత్రంలో నటిస్తున్నాడు. ఇక ఈ సినిమాకి విశ్వ క‌రుణ్ ద‌ర్శ‌క‌త్వం వహిస్తుండ‌గా.. ర‌వి, జోజో, జోస్, రాకేష్ రెడ్డి నిర్మిస్తున్నారు.

రొమాంటిక్ యాక్ష‌న్ ఎంట‌ర్‌టైన‌ర్‌గా ఈ చిత్రం రూపుదిద్దుకుంటోంది. సామ్ సీఎస్ సంగీతాన్ని అందిస్తున్నాడు. ఈ చిత్రాన్ని ఫిబ్ర‌వ‌రిలో ప్రేక్ష‌కుల ముందుకు తీసుకురానున్న‌ట్లు ఇప్ప‌టికే చిత్ర బృందం వెల్ల‌డించింది. ఈ క్ర‌మంలో తాజాగా టీజ‌ర్‌ను మేకర్స్ విడుద‌ల చేశారు. ‘మ్యాగీ మై ఫ‌స్ట్ ల‌వ్’ అని కిర‌ణ్ అబ్బ‌వ‌రం వాయిస్ ఓవ‌ర్‌తో టీజ‌ర్ ప్రారంభ‌మైంది. ల‌వ్‌, యాక్ష‌న్ స‌న్నివేశాలు టీజర్‌లో ఆకట్టుకుంటున్నాయి.