Krithi Shetty : ఉప్పెన సినిమాతో హీరోయిన్ గా టాలీవుడ్ లో ఎంట్రీ ఇచ్చిన కృతి శెట్టి మొదట్లో వరుస విజయాలతో దూసుకెళ్లినా అనంతరం కొన్ని సినిమాలు నిరాశపరచాయి. అయినా ఈ కన్నడ భామకి అవకాశాలకు ఢోకా లేదు. ప్రస్తుతం ఒకేసారి తెలుగు, తమిళ్, మలయాళం సినిమాల్లో షూటింగ్స్ చేస్తూ బిజీగా ఉంది కృతి శెట్టి. సెట్స్ మీద ఉన్నవే కాక మరిన్ని సినిమాలు లైన్లో ఉన్నాయి కృతికి.
ఇలాంటి టైంలో కృతిశెట్టికి బాలీవుడ్ నుంచి ఆఫర్ వచ్చింది. బాలీవుడ్ నుంచి ఆఫర్ వస్తే ఏ హీరోయిన్ అయినా ఎందుకు వద్దు అంటుంది. కృతి కూడా ముందు ఓకే చెప్పింది. బాలీవుడ్ లో అంధాదున్ లాంటి సూపర్ హిట్ సినిమా తీసిన డైరెక్టర్ శ్రీరామ్ రాఘవన్ కృతిశెట్టిని తన తర్వాతి సినిమా కోసం అడిగాడట. అయితే ముంబై వచ్చి ఆడిషన్ ఇవ్వమని అడిగాడట.
ముందు సినిమాకి ఓకే చెప్పిన కృతి ఆడిషన్ అనడంతో నో చెప్పిందట. తను ఇప్పటికే సినిమాలతో బిజీగా ఉంది. ఆల్రెడీ తెలిసిన హీరోయిన్. అలాంటిది కొత్త హీరోయిన్ ని అడిగినట్టు ఆడిషన్ అడిగినందుకు నో చెప్పిందని సమాచారం. మరి ఇది ఎంతవరకు నిజమో కానీ కృతికి మాత్రం బాలీవుడ్ ఆఫర్ అయితే వచ్చిందంటున్నారు సినీ వర్గాలు.
