మార్చి 27న లైకా ప్రొడక్ష‌న్‌పై మోహన్ లాల్ నటిస్తోన్న భారీ చిత్రం ‘L2 ఎంపురాన్’ వ‌ర‌ల్డ్ వైడ్ గ్రాండ్ రిలీజ్
‘లూసిఫర్’ 2019లో విడుద‌లై బ్లాక్ బ‌స్ట‌ర్ విజ‌యాన్ని సాధించిన సంగతి తెలిసిందే. ప్రస్తుతం ఈ చిత్రానికి సీక్వెల్‌గా ‘L2 ఎంపురాన్’ రూపొందుతోన్న సంగతి తెలిసిందే. స్టార్ హీరోల‌తో భారీ బ‌డ్జెట్ చిత్రాల‌ను నిర్మించే చిత్ర నిర్మాణ సంస్థ లైకా ప్రొడ‌క్ష‌న్స్‌ ఈ క్రేజీ ప్రాజెక్ట్‌ని నిర్మిస్తోంది మ‌ల‌యాళ సూప‌ర్ స్టార్ మోహ‌న్‌లాల్ హీరోగా రాబోతోన్న ఈ చిత్రంలో సౌత్ స్టార్‌లు నటిస్తున్నారు. తొలి భాగం హిట్ కావ‌టంతో సినిమాపై ఎలాంటి అంచ‌నాలున్నాయో ముందుగానే అంచ‌నా వేసిన మేక‌ర్స్ ఎక్స్‌పెక్టేష‌న్స్‌ను మించేలా సినిమాను నిర్మిస్తున్నారు. మోహన్ లాల్, వెర్స‌టైల్ యాక్ట‌ర్‌, డైరెక్ట‌ర్ పృథ్వీరాజ్ సుకుమార్ కాంబినేష‌న్‌లో రానున్న మూడో చిత్రం కావ‌టంతో అభిమానుల్లో అంచనాలు ఆకాశన్నంటాయి.
అమేజింగ్ రెస్పాన్స్..
ఇటీవ‌ల మోహ‌న్‌లాల్ పుట్టిన‌రోజు సంద‌ర్భంగా ‘L2 ఎంపురాన్’ లో ఖురేషి అబ్ర‌మ్‌గా సూప‌ర్‌స్టార్ లుక్‌ను … అలాగే పృథ్వీరాజ్ సుకుమార్ పోషిస్తోన్న క్యారెక్ట‌ర్ జయేద్ మసూద్‌కు సంబంధించిన ఫస్ట్ లుక్‌ను రిలీజ్ చేయ‌గా అమేజింగ్ రెస్పాన్స్ వ‌చ్చింది. ఇంకా ఈ చిత్రంలో టోవినో థామ‌స్‌, మంజు వారియ‌ర్‌, నందు, సానియా అయ్య‌ప్ప‌న్ త‌దిత‌రులు మ‌రోసారి వారి పాత్ర‌ల‌తో మెప్పించ‌బోతున్నారు. తాజాగా మేక‌ర్స్ ఈ సినిమా రిలీజ్ డేట్‌ను ప్ర‌క‌టించారు. వ‌చ్చే ఏడాది మార్చి 27న ‘L2 ఎంపురాన్’ చిత్రం తెలుగు, మ‌ల‌యాళం, త‌మిళ, క‌న్న‌డ, హిందీ భాష‌ల్లో రిలీజ్ కానుంది.
పక్కా మాస్ ఎంటర్టైనర్..
‘L2 ఎంపురాన్’ రిలీజ్ డేట్‌ను తెలియ‌జేస్తూ పోస్ట‌ర్‌ను మేక‌ర్స్ విడుద‌ల చేశారు. మంట‌ల మ‌ధ్య‌లో వైట్ ష‌ర్ట్ ధ‌రించిన మోహన్ లాల్ లుక్‌ను బ్యాక్ సైడ్‌నుంచి ఎలివేట్ చేసేలా ఉన్న స‌ద‌రు పోస్ట‌ర్ పక్కా మాస్ ఎంట‌ర్‌టైన‌ర్‌లా సినిమా రూపొందుతోంద‌ని అంచ‌నాల‌ను పెంచేస్తోంది.
