Mirai Movie : తేజ సజ్జ హీరోగా నటిస్తున్న తాజా యాక్షన్-అడ్వెంచర్ చిత్రం ‘మిరాయ్’ (Mirai Movie) నుంచి ట్రైలర్ విడుదలై, ప్రేక్షకుల్లో ఆసక్తి రేకెత్తిస్తోంది. కార్తీక్ ఘట్టమనేని దర్శకత్వంలో పీపుల్ మీడియా ఫ్యాక్టరీ బ్యానర్‌పై టీ.జీ. విశ్వ ప్రసాద్, కృతి ప్రసాద్ నిర్మిస్తున్న ఈ చిత్రం సెప్టెంబర్ 12, 2025న ప్రపంచవ్యాప్తంగా థియేటర్లలో విడుదల కానుంది. ఈ సినిమా 2D, 3D ఫార్మాట్లలో 8 భాషల్లో విడుదలవుతోంది.
ALSO READ: Rains: యూనివర్సిటీల్లో పరీక్షలు వాయిదా.. ఎందుకంటే..!
‘మిరాయ్’ ట్రైలర్ అద్భుతమైన విజువల్స్, ఉత్కంఠభరిత యాక్షన్ సన్నివేశాలతో ఆకట్టుకుంటోంది. తేజ సజ్జ సూపర్ యోధ పాత్రలో మెరిస్తుండగా, మంచు మనోజ్ బ్లాక్ స్వోర్డ్ అనే విలన్ పాత్రలో భయంకరంగా కనిపిస్తున్నాడు. రితికా నాయక్ హీరోయిన్‌గా నటిస్తుండగా, శ్రియ శరణ్, జగపతి బాబు, జయరామ్ వంటి ప్రముఖులు కీలక పాత్రల్లో కనిపించనున్నారు. గౌరా హరి సంగీతం, కార్తీక్ ఘట్టమనేని సినిమాటోగ్రఫీ ఈ చిత్రానికి ప్రత్యేక ఆకర్షణగా నిలుస్తాయి.
‘హనుమాన్’ వంటి బ్లాక్‌బస్టర్ తర్వాత తేజ సజ్జ నుంచి వస్తున్న ఈ చిత్రంపై అంచనాలు భారీగా ఉన్నాయి. ట్రైలర్‌లోని భారతీయ పురాణాలు, సూపర్ హీరో థీమ్‌ల మిళితం ప్రేక్షకులను థియేటర్లకు రప్పించేలా ఉంది. సినిమా విడుదలకు ముందు ముంబైలో ప్రమోషన్స్ కూడా జోరుగా సాగుతున్నాయి.
