Re Releases: సినిమా ప్రేమికులకు నవంబర్ నెల మొత్తం వింటేజ్ సినిమాల వైబ్‌తో హోరెత్తనుంది. ఇప్పటికే ‘శివ’ జోష్ మొదలుపెట్టగా, మొత్తం ఆరు సినిమాలు రీ రిలీజ్ అవుతూ ప్రేక్షకులకు ఫుల్ ట్రీట్ ఇవ్వనున్నాయి.
నవంబర్ రీ రిలీజ్ ఫీవర్‌కు నాంది పలికిన మూవీ నాగార్జున, రామ్ గోపాల్ వర్మ కాంబోలో వచ్చిన ‘శివ’. అప్పట్లో ఒక సంచలనం సృష్టించిన ఈ మూవీని 4Kలో రిలీజ్ చేయాలని ఫ్యాన్స్ చాలా కాలంగా కోరుతున్నారు. వారి కోరిక మేరకు రిలీజైన ఈ సినిమా… థియేటర్లలో వింటేజ్ ఫీల్‌ను మళ్లీ తీసుకువచ్చింది.
ALSO READ: Samantha: కొత్త బిజినెస్‌లోకి ఎంట్రీ ఇచ్చిన స‌మంత – ఇన్‌స్టా పోస్ట్ వైర‌ల్‌
నవంబర్ 15న సిద్ధార్థ్, త్రిష కాంబినేషన్‌లో వచ్చిన సూపర్ హిట్ లవ్ స్టోరీ ‘నువ్వొస్తానంటే నేనొద్దంటానా’ రీ-రిలీజ్ కాబోతుంది. ప్రభుదేవా డైరెక్షన్‌లో వచ్చిన ఈ సినిమా పాటలకి, ఫాలోయింగ్‌కి ఇప్పటికీ క్రేజ్ తగ్గలేదు. నవంబర్ 21న మెగాస్టార్ చిరంజీవి నటించిన ‘కొదమ సింహం’ విడుదల కానుంది. చిరంజీవి చేసిన మొట్టమొదటి కౌబాయ్ సినిమా ఇది. ఫ్యాన్స్ కోరిక మేరకు ఈ మూవీని రీ రిలీజ్ చేస్తున్నారు. కార్తీ కెరీర్‌లోనే బిగ్గెస్ట్ మ్యూజికల్ హిట్ అయిన ‘ఆవారా’ నవంబర్ 22న రీ-రిలీజ్ కాబోతుంది. ఈ సినిమాకి తమిళ్‌తో ఎంత ఫాలోయింగ్ ఉందో, తెలుగులో అంతకు మించి ఫ్యాన్ బేస్ ఉంది. జి.వి. ప్రకాష్ అందించిన సూపర్ బ్లాక్ బస్టర్ సాంగ్స్ ఇప్పటికీ యూత్ రింగ్ టోన్స్‌గా ఉన్నాయి. ఈ మూవీని థియేటర్లలో చూడటం ఒక ఎమోషనల్ ట్రీట్!
ALSO READ: The Paradise: ఏడు కోట్ల‌తో భారీ సెట్‌ – నో కాంప్ర‌మైజ్ అంటున్న నాని ప్యార‌డైజ్ టీమ్‌
నవంబర్ 28న సూర్య నటించిన ‘సికిందర్’ రీ రిలీజ్ కాబోతుంది. రిలీజ్ అయినపుడు ఈ మూవీ ఫ్లాప్ టాక్ తెచ్చుకున్నా… యూట్యూబ్‌లో మాత్రం ఒక సంచలనంగా మారింది. విపరీతమైన రెస్పాన్స్ సొంతం చేసుకున్న ఈ సినిమాను, ఇప్పుడు ఫ్యాన్స్ కోసం ఒక సరికొత్త ఎడిట్ వెర్షన్‌తో థియేటర్లలో తీసుకురాబోతున్నారు. నవంబర్ రీ రిలీజ్‌లకు మహేష్ బాబు ‘బిజినెస్ మ్యాన్’ నవంబర్ 29 రీ రిలీజ్‌తో పర్ఫెక్ట్ క్లైమాక్స్ పడనుంది. పూరి జగన్నాథ్ కాంబినేషన్‌లో వచ్చిన ఈ బ్లాక్ బస్టర్ మూవీ ఈసారి భారీ స్థాయిలో రిలీజ్ కాబోతుంది.
