OG: పవర్ స్టార్ పవన్ కళ్యాణ్ సినిమా వస్తుందంటే ఫ్యాన్స్‌కి పండగే! ‘ఓజీ’ (They Call Him OG) విషయంలో ఆ హైప్ ఆకాశాన్ని తాకింది. మొదటి రోజు నుంచి కలెక్షన్ల సునామీ సృష్టించామని, కేవలం 10 రోజుల్లోనే వరల్డ్‌వైడ్‌గా ₹300 కోట్లు కలెక్ట్ చేసిందంటూ మేకర్స్, ఫ్యాన్స్ పెద్ద హడావిడి చేశారు. ఇది 2025లో వచ్చిన సినిమాల్లో హయ్యెస్ట్ గ్రాసింగ్ తెలుగు ఫిల్మ్ అని కూడా ప్రకటించారు. కానీ, తెర వెనుక ఉన్న రియాలిటీ చూస్తే ఫ్యాన్స్‌కి కొంత నిరాశ కలగకమానదు.

ALSO READ: https://teluguprabha.net/cinema-news/ai-fake-photos-sai-pallavi-priyanka-mohan-controversy/

కలెక్షన్లు నిజమే, కానీ బ్రేక్ ఈవెన్ సంగతేంటి?

‘ఓజీ’ నిజంగానే ₹300 కోట్లకు పైగా వరల్డ్‌వైడ్ గ్రాస్ కలెక్ట్ చేసింది. ఇది పవన్ కళ్యాణ్ కెరీర్‌లోనే పెద్ద రికార్డు. అయితే, బాక్సాఫీస్ లెక్కల్లో అసలు హిట్ ఎప్పుడంటే… ఆ సినిమా బ్రేక్ ఈవెన్ అయినప్పుడు.
‘ఓజీ’ సినిమాకు థియేట్రికల్ బిజినెస్ ₹170 కోట్లు దాటింది. అంటే, బయ్యర్లు సేఫ్‌గా బయటపడాలంటే సినిమా దాదాపు ₹175 కోట్ల షేర్ సాధించాలి. మేకర్స్ గ్రాస్ విషయంలో 300 కోట్లు ప్రకటించినా, ట్రేడ్ లెక్కల ప్రకారం సినిమా ఇంకా చాలా ఏరియాల్లో బ్రేక్ ఈవెన్ టార్గెట్‌ను అందుకోలేకపోయింది. ముఖ్యంగా తెలుగు రాష్ట్రాల్లో సినిమా హక్కులను భారీ రేటుకు అమ్మారు.

ఓవర్‌సీస్‌లో డబుల్ లాభాలు వచ్చినా, తెలుగు రాష్ట్రాల్లో నష్టాలు
పవన్ కళ్యాణ్ లాంటి స్టార్‌కు ఇంత భారీ ఓపెనింగ్ వచ్చి కూడా బ్రేక్ ఈవెన్ కాలేదంటే, భవిష్యత్తులో బయ్యర్లు మరిన్ని జాగ్రత్తలు తీసుకునే అవకాశం ఉంది.

ALSO READ: https://teluguprabha.net/cinema-news/vijay-devarakonda-keerthy-suresh-rowdy-janardhana-officially-goes-on-floors/

2025 టాప్ గ్రాసర్ రేసు: ‘ఓజీ’ వర్సెస్ ‘అఖండ 2’

ప్రస్తుతానికి ‘ఓజీ’ ₹300 కోట్లు దాటి 2025లో తెలుగులో అత్యధిక వసూళ్లు సాధించిన చిత్రంగా నిలిచింది. కానీ ఈ రికార్డు ఎక్కువ రోజులు ఉండే అవకాశం లేదు.మాస్ డైరెక్టర్ బోయపాటి శ్రీను, నటసింహం నందమూరి బాలకృష్ణ కాంబోలో రాబోతున్న ‘అఖండ 2: తాండవం’ సినిమాపై అంచనాలు భారీగా ఉన్నాయి.

మొదటి భాగం ‘అఖండ’ ఎంత పెద్ద హిట్ అయిందో తెలిసిందే. దానికి సీక్వెల్ కావడంతో, ప్యాన్-ఇండియా రేంజ్‌లో ఈ సినిమాపై ఎక్స్‌పెక్టేషన్స్ పెరిగాయి. పక్కా మాస్ యాక్షన్, హై ఓల్టేజ్ ఎలిమెంట్స్‌తో ‘అఖండ 2’ గనుక మంచి టాక్‌ తెచ్చుకుంటే, ‘ఓజీ’ రికార్డును బద్దలు కొట్టే ఛాన్స్ ఉందని ట్రేడ్ ఎనలిస్టులు బలంగా చెబుతున్నారు.

మొత్తంగా, కలెక్షన్ల హంగామా ఉన్నా.. బ్రేక్ ఈవెన్ విషయంలో ‘ఓజీ’ వెనుకబడిందనే చెప్పాలి. 2025లో పవన్ కళ్యాణ్ ఫ్యాన్స్‌కి ఇది ఒక నిరాశే. ఇకపై పవన్ కళ్యాణ్ ఇలాంటి భారీ హిట్‌ కొట్టడం కష్టమే కానీ, అసాధ్యం ఏమీ కాదు, కానీ దానికి పక్కా కంటెంట్, సరైన బిజినెస్ స్ట్రాటజీ అవసరం.