Kannappa| మంచు విష్ణు హీరోగా నటించడంతో పాటు నిర్మాతగా వ్యవహరిస్తున్న చిత్రం ‘కన్నప్ప’. భారీ బడ్జెట్‌తో పాన్ ఇండియా స్థాయిలో నిర్మిస్తున్న ఈ సినిమా షూటింగ్ కంప్లీట్ అయినట్లు సమాచారం. ఇప్పటికే ఈ సినిమా నుంచి విడుదలైన పోస్టర్, టీజర్స్ మూవీపై ఆసక్తి రేపాయి. ఇక ముఖేష్ కుమర్ సింగ్ దర్శకత్వం వహిస్తున్న ఈ సినిమాలో అన్ని ఇండస్ట్రీలకు చెందిన ప్రముఖ నటులు కీలక పాత్రలు పోషిస్తున్నారు. బాలీవుడ్ స్టార్ హీరో అక్షయ్ కుమార్, మలయాళం సూపర్ స్టార్ మోహన్ లాల్, తమిళ నటుడు శరత్ కుమార్, జగపతిబాబు, మోహన్ బాబు తదితరులు నటిస్తున్నారు. వీరితో పాటు రెబల్ స్టార్ ప్రభాస్(Prabahas) కూడా ఇందులో ముఖ్యమైన శివయ్య పాత్రలో నటించడం విశేషం.
ఇప్పటికే ప్రభాస్ పాత్రకు సంబంధించి చిన్న టీజర్ విడుదల చేసిన సంగతి తెలిసిందే. అయితే అందులో ప్రభాస్ లుక్‌ను రివీల్ చేయలేదు. కేవలం కంటి వరకే చూపించారు. అయితే తాజాగా ఈ సినిమాలో ప్రభాస్ లుక్ ఫొటో లీక్ అయింది. ఈ ఫొటోలో లాంగ్ హెయిర్‌తో శివ నామాలు పెట్టుకుని, మెడలో రుద్రక్షలు ధరించి, కాషాయ కండువా ధరించి చేతిలో ఆయుధం పూని ఉన్నాడు. ప్రస్తుతం ఈ ఫొటో సోషల్ మీడియాలో వైరల్ అవుతోంది. దీనిపై మూవీ యూనిట్ సీరియస్‌గా ఉన్నట్లు తెలుస్తోంది. ఎవరు ఈ ఫొటో లీక్ చేశారో ఆరా తీస్తున్నట్లు సమాచారం.
