రెబల్ స్టార్ ప్రభాస్(Prabhas) తన అభిమానులకు క్షమాపణలు చెప్పారు. నాగ్ అశ్విన్ దర్శకత్వంలో ప్రభాస్ నటించిన ‘కల్కి 2898 ఏడీ’ (Kalki 2898 AD) జపాన్‌లో జనవరి 3న విడుదల కానుంది. అయితే కాలికి గాయం కావడంతో ప్రమోషన్స్ కోసం జపాన్ రాలేకపోతున్నానని ఓ వీడియో విడుదల చేశారు. కొత్త సినిమా షూటింగ్‌లో కాలికి స్వల్ప గాయమైందని.. అందుకే అక్కడికి రాలేకపోతున్నట్లు తెలిపారు. ప్రస్తుతం తాను బాగానే ఉన్నానని.. త్వరలోనే మిమ్మల్ని కలుస్తానని చెప్పారు. ‘కల్కి’ మూవీని థియేటర్లలో ఎంజాయ్ చేయండి అంటూ జపనీస్ భాషలో మాట్లాడారు.
ఇక డార్లింగ్ సినిమాల విషయానికొస్తే ప్రస్తుతం వరుస పాన్ ఇండియన్ సినిమాలతో బిజీగా ఉన్నారు. మారుతీ దర్శకత్వంలో ‘ది రాజా సాబ్‌’ (The Raja Saab) మూవీలో నటిస్తున్నారు. ప్రస్తుతం ఈ మూవీ షూటింగ్ శరవేగంగా చిత్రీకరణ జరుపుకొంటుంది. ఇక హను రాఘవపూడి దర్శకత్వంలో పీరియాడిక్‌ యాక్షన్‌ మూవీ ‘ఫౌజీ’లో నటిస్తున్నారు. అలాగే ప్రశాంత్‌ నీల్‌ దర్శకత్వంలో ‘సలార్‌2’, సందీప్ రెడ్డి వంగా ‘స్పిరిట్‌’ (Spirit) చిత్రాల్లోనూ నటించాల్సి ఉంది.
