సై-ఫై ఫ్యాంటసీ మూవీగా రెడీ అవుతోంది ప్రాజెక్ట్ K. ప్రభాస్, దీపికా పదుకున్, అమితాబ్ బచ్చన్ వంటి సూపర్ స్టార్స్ తో నిండిన ఈ ప్యాన్ ఇండియా మూవీని నాగ్ అశ్విన్ డైరెక్ట్ చేస్తున్నారు. ఇక నాగ్ అశ్విన్ సినిమాలను చెక్కే తీరుపై తెలుగు ప్రేక్షకులకు చాలా ఎక్స్ పెక్టేషన్స్ ఉంటాయి. వచ్చే ఏడాది జనవరిలో ఈ సినిమా రిలీజ్ అవ్వనుంది. అశ్వినీ దత్ ప్రొడక్షన్ హౌస్ నుంచి వస్తున్న ఈ సినిమా స్టోరీ చాలా ఇంట్రెస్టింగ్ గా ఉందనే మాట ఫిలిం నగర్ సర్కిల్ లో గట్టిగా వినిపిస్తోంది.
విష్ణు మూర్తి మోడరన్ డేస్ లో ఎలా ఉంటారనేది ఊహించి తెరకెక్కిస్తుండటం ఇందులోని ప్రధాన ఇతి వృత్తంగా తెలుస్తోంది. ప్రేక్షకులు ఎప్పుడూ చూడని కొత్త ట్విస్టులతో ఈ సినిమా ఆద్యంతం సాగేలా పకడ్బందీ స్క్రీన్ ప్లేతో ప్రాజెక్ట్ K తెరకెక్కుతున్న సమాచారం. ఇక ఇది హెవీ గ్రాఫిక్స్ ఉన్న సినిమా అన్నదాంట్లో మీకు ఏ సందేహం అక్కర్లేదు. ఇప్పటికే 70 శాతం సినిమా చుట్టేశారు. హై సెంటిమెంట్ ఉన్న సినిమాగా రూపుదిద్దుకుంటున్న ప్రాజెక్ట్ K కోసం నలుగురైదుగురు ఇంటర్నేషనల్ స్టంట్ కొరియోగ్రఫర్స్ ను హైర్ చేయటం మరో హైలైట్. సినిమాలోని ప్రతి ఫ్రేమ్ స్టన్నింగ్ గా ఉండేలా గొప్ప అనుభూతి ఇచ్చేలా ఈ సినిమా ముస్తాబవుతోంది. ఈ సినిమాలో మన డార్లింగ్ ప్రభాస్ ను సరికొత్తగా చూపుతున్నారు. సినిమాకు ఇప్పటికే చాలా మంచి క్రేజ్ వచ్చింది.